Banaslys í vetrarfærð/svona getur þetta verið í henni Ameríku !!!!!

Banaslys í vetrarfærð Erlent | AP | 20.12.2011 | 10:48 Nokkur banaslys hafa orðið í Bandaríkjunum sem rekja má til óveðurs og snjókomu sem hefur gengið yfir miðríki landsins. Vetrarveðrið hefur raskað umferð á hraðbrautum í fimm ríkjum. Veðurfræðingar segja að víða á þessum svæðum verði erfitt eða jafnvel ómögulegt að komast leiðar sinnar fyrir jól. AP-fréttastofan segir að mörg hótel við hraðbrautir séu nú að 

fyllast, eða allt frá Nýju-Mexíkó í austri til Kansas í vestri. Samgöngur liggja víða niðri vegna veðurs. Í gærkvöldi bárust yfir 100 aðstoðarbeiðnir frá ökumönnum í norðurhluta Texas þar sem snjóbylur olli því að loka varð Interstate 40 hraðbrautinni, sem er mikilvæg samgönguæð milli austurs og vesturs. Yfirvöld í Nýju-Mexíkó urðu að loka hluta Interstate 25 hraðbrautarinnar, sem liggur til norðausturs til Colorado. Lögreglan segir að síminn hafi ekki stoppað, en fjölmargir ökumenn lentu í vandræðum og festu bíla sína. Mjög hafði snjóað í Kansas í morgun, en nýfallinn snjór mældist 25 cm. Veðurfræðingar búast við enn meiri ofankomu. Yfirvöld segja að rekja megi sex banaslys til færðarinnar. Fjórir létust þegar fólksbifreið rakst á pallbifreið í austurhluta Nýju-Mexíkó, þar sem snjóbyljir eru sjaldgæfir. Þá lést fangavörður og fangi þegar fangaflutningabifreið valt á hálum vegi í austurhluta Colorado.////þessar fréttir koma oft á óvart þarna í Texas og Nýju-Mexíkó en svo er þetta viðar en á Ísland og í Bandaríkjunum kemur þetta bara meira á óvart svo neðarlega!!!/Halli gamli

Banaslys í vetrarfærð