Hross aflífað // vegna sennilega flugeldahræðslu og ekið á það við þær aðstæður!!!

Innlent | mbl.is | 5.1.2012 | 15:32
Aflífa þurfti hross, sem varð fyrir bíl á Laugarvatnsvegi snemma í morgun.

Slysið varð klukkan 5:30 við Brúará á móts við bæina Efri-Reyki og Syðri-Reyki. Hrossastóð var á og við veginn. Er talið að stóðið hafi fyrr um nóttina eða kvöldið fælst vegna notkunar skotelda í sumarhúsabyggð við Syðri-Reyki og ruðst í gegnum girðingu við veginn.  

Pallbíll, sem ekið var um veginn, lenti á einu hrossinu og kom í ljós þegar á daginn leið að það hefði slasast það mikið að ekki yrði komist hjá því að aflífa það. 

Lögreglan á Selfossi biður þá sem kannast við eða geta veitt upplýsingar um skoteldanotkun á umræddu svæði í gærkvöldi eða í nótt að hafa samband í síma lögreglu 480 1010.  Um leið vill lögreglan koma því á framfæri við almenning að fylgja eftir lögum og reglum um skotelda og taka sérstakt tillit til dýra. Þess skal getið að notkun skotelda er bönnuð við gripahús og meðferð þeirra er alltaf bönnuð frá miðnætti til kl. 9 að undanskilinni nýársnótt//////það ber að fara varlega með flugelda gagnvart skepnum,og bara öllu!!!! en hross styggjast mikið við flugelda,og þarna skeði það,það ber að skoða þetta með lausagöngu hrossa/Halli gamli 

Hross aflífað