Skipulagt verði sameiginlegt eftirlit///Þetta synir okkur að menn vinna ekki sína vinnu!!!!

kipulagt verði sameiginlegt eftirlit Innlent | mbl.is | 14.1.2012 | 19:17 Matvælastofnun telur að saltmál Ölgerðarinnar gefi tilefni til að skipuleggja sameiginlegt eftirlitsverkefni þar sem stofnunin og heilbrigðiseftirlit sveitarfélaga kanni efnanotkun matvælafyrirtækja og aðra þætti innra eftirlits sem þeim

ber að starfrækja til að tryggja örugg matvæli fyrir neytendur. Kemur þetta fram í tilkynningu sem birt er á vef Matvælastofnunar. Eftirlitsmenn Matvælastofnunar komust að því við eftirlit í matvælafyrirtæki að þar væri til notkunar salt sem ekki er framleitt sérstaklega til notkunar í matvælaiðnaði. Fyrirtækið hafði keypt þetta salt af dreifingaraðila sem er undir eftirliti Heilbrigðiseftirlits Reykjavíkur. Viðbrögð Matvælastofnunar voru þau að kanna strax um hvaða salt væri að ræða og hvort efnasamsetning þess væri þess eðlis að hætta stafaði af fyrir neytendur. Svo reyndist ekki vera, en að mati stofnunarinnar er ekki ásættanlegt að nota annað salt við matvælaframleiðslu en það sem sérstaklega er framleitt til þeirrar notkunar. Slíkt salt uppfyllir ströngustu skilyrði um hreinleika og alla meðferð. Matvælafyrirtæki eiga að tryggja góða framleiðsluhætti og öryggi vöru fyrir neytendur og notkun á salti, hráefnum, aukefnum og öðrum efnum á því að vera í samræmi við skilyrði matvælalöggjafar. Þetta eru atriði sem taka þarf á í innra eftirliti fyrirtækja og opinberir eftirlitsaðilar þurfa að fylgjast með. Matvælastofnun segir taka alvarlega gagnrýni á að hafa leyft sölu á takmörkuðu magni af iðnaðarsalti en segir að ákvörðun hennar hafi verið tekin í ljósi þess að ekki væri um varasama vöru að ræða og eingöngu með því skilyrði að matvælafyrirtæki sem keyptu vöruna væru upplýst og gerðu ekki athugasemd. Salt þetta hefur verið í dreifingu í mörg ár án athugasemda af hálfu eftirlitsaðila. Því tilkynnti Matvælastofnun málið til heilbrigðiseftirlits um allt land og hefur Heilbrigðiseftirlit Reykjavíkur síðan fylgt málinu eftir þar sem dreifingaraðilinn hefur starfsleyfi og er undir daglegu eftirliti þess. „Matvælastofnun lagði einnig til við Heilbrigðiseftirlit Reykjavíkur að hlutast yrði til um að Ölgerðin, sem flutti inn saltið og dreifði til matvælafyrirtækja, kæmi með almennar upplýsingar um málið þannig að það yrði gert opinbert. Þessu hafnaði fyrirtækið. Í framhaldi af því birti Matvælastofnun frétt á vefsíðu sinni þar sem koma fram nánari upplýsingar um það salt sem hér var í notkun. Stofnunin harmar hins vegar að Heilbrigðiseftirlit Reykjavíkur skuli í framhaldi af þessu koma með harða gagnrýni á störf Matvælastofnunar í fjölmiðlum og þá sérstaklega í ljósi þess að engin athugasemd hefur verið gerð við sölu vörunnar til margra ára frá dreifingarfyrirtæki sem er undir þeirra eftirliti, fyrr en Matvælastofnun tók málið upp,“ segir í tilkynningu Mast.///////Þetta sýnir okkur að menn vinna ekki vinnuna sína ekki spurning ekki vera að benda á þennan og annan!! Þette eru mikil mistök, allt og maður er hættur að trúa, að þessir sem eiga að  vinna þetta sé þessa verðugir!! en þetta er einnig gott fyrir Fjölmiða og einnig ríkisstjórn sem eyðir þá meira umtali um þeirra mistök!!!!

Skipulagt verði sameiginlegt eftirlit