Barðist í 15-18 metra öldum/ótrúlegt,en þetta segir okkur flotgallar no. eitt !!!

Barðist í 15-18 metra öldum Innlent | mbl.is | 26.1.2012 | 14:35 Flugstjóri björgunarþyrlunnar, sem bjargaði 36 ára gömlum Íslendingi úr sjónum eftir að togarinn Hallgrímur sökk undan strönd Noregs í gær, segir að skipbrotsmaðurinn hafi gert allt rétt eftir að skipið fór að sökkvaFréttavefur Sunnmørsposten hefur eftir Olve Arnes, flugstjóra þyrlunnar, að Íslendingurinn hafi klætt sig í flotbúning strax og ljóst varð að leki var kominn að togaranum. Eftir að maðurinn lenti í sjónum notaði hann orkuna til að halda sér á floti og var nokkuð vel á sig kominn líkamlega þegar honum var bjargað um borð í þyrluna eftir þriggja og hálfs tíma vist í sjónum. Ölduhæð var 15-18 metrar og maðurinn fór oft á kaf en komst alltaf upp á yfirborðið að nýju. Engin ljós eða sendar voru á búningnum en á honum voru endurskinsmerki og því sá áhöfn þyrlunnar hann í sjónum. Arnes segir, að ofsaveður hafi verið á svæðinu þegar þyrlan kom þangað í gær eftir eins og hálfs klukkutíma flug úr landi. Merki bárust enn frá neyðarsendi sem var í togaranum, og því var ekki erfitt að finna svæðið þar sem báturinn sökk. Þar sá áhöfn þyrlunnar hluti úr skipinu, baujur, ljós og björgunarbát, sem reyndist tómur. Þá fannst sjómaðurinn fljótlega í sjónum. „Hann var í afar góðu ásigkomulagi, bæði andlega og líkamlega, þegar við náðum honum um borð. Hann gat sagt okkur hvað gerðist og að það hefðu verið fjórir menn um borð en aðeins tveir þeirra hefðu farið í flotbúning. Þá hefði annar búningurinn líklega lekið. Þess vegna fengum við strax góða yfirsýn yfir stöðuna,“ segir Arnes. Svo virðist sem Hallgrímur SI hafi sokkið á skömmum tíma. Íslenski sjómaðurinn segir að áhöfn Hallgríms hafi lent fljótlega í sjónum. Hann hafi eftir það séð björgunarbátinn og einn hinna en björgunarbáturinn fauk strax burtu og engum af skipbrotsmönnunum tókst að komast í hann.

Enn berast merki frá neyðarsendinum. Norska varðskipið Bergen ætlaði í morgun að fara á staðinn en varð að snúa við til Álasunds vegna veðurs og þar verður nú skipt um áhöfn. Eina skipið á svæðinu er loðnuskipið Herøyhav, en það var í vari í morgun og beið þess að veðrinu slotaði. Tengdar fréttir — Hallgrímur SI fórst undan ströndum Noregs Sjómaðurinn útskrifaður 14:54 Íslenski sjómaðurinn sem komst lífs af er togarinn Hallgrímur SI-77 sökk úti fyrir ströndum Noregs í gær, hefur verið útskrifaður af sjúkrahúsi. Hann ætlar sér að leita áfallahjálpar á Íslandi. Meira Tveir mannanna af Suðurnesjum Leita mannanna á morgun Fær áfallahjálp í dag Norskt varðskip til leitar.////það er svo að við viljum óska samúður til þeirra sem þarna mystu ástvini,það er svo að þetta er fysrta sjóslisið&#39; sem kemur eftir meira en ár,og minnir okkur á að þessir flotgallar eru þarfa þing og bjargvættur,og það er svo að allir hefðu át að vera i þeim,það er kennt í slysavörnu sjómanna,ef grunur var á að skið er að farsat<11 en aðstæður þarna eru ókunnar en kemur i ljós þegar þessi maður sem af komst kemur til landsins,blessunarlega!!! en en og aftur samúð til þeirra sem misstu sina ástvini,sjómenskan er ekkert grín!!! eins og margur heldur!!!/Halli gamli

Útskrifaður af sjúkrahúsi