Breiðfylkingin boðar til stofnfundar///´þetta er að verða ómæltd óánægjuframboð????

Breiðfylkingin boðar til stofnfundar Innlent | mbl.is | 5.3.2012 | 14:43 Ný stjórnmálasamtök, breiðfylking um lýðræði og almannahag, munu halda formlegan stofnfund hinn 18. mars næstkomandi. Í tilkynningu 

frá samtökunum segir að á meðal aðildarfélaga Breiðfylkingarinnar séu Borgarahreyfingin, Frjálslyndi flokkurinn og Hreyfingin. „Enginn af þessum aðilum er orðinn formlegur aðili að Breiðfylkingunni sem slíkur,“ segir Friðrik Þór Guðmundsson, einn forsvarsmanna Breiðfylkingarinnar, og bendir á að í drögum að lögum Breiðfylkingarinnar sé kveðið á um að félagasamtök geti í heild sinni fengið inngöngu í Breiðfylkinguna. Að sögn Friðriks hafa fulltrúar í Stjórnlagaráði setið fundi með forsvarmönnum Breiðfylkingarinnar. „Menn eins og Lýður Árnason, Þorvaldur Gylfason, Andrés Magnússon og Gísli Tryggvason hafa setið fundið með okkur,“ segir Friðrik. Nafn samtakanna er þó ekki varanlegt og forsvarsmenn Breiðfylkingarinnar óska nú eftir tillögum að nafnabreytingu frá almenningi. „Það verður kosið um nafnið á framhaldsstofnfundinum 18. mars,“ segir Friðrik. Að sögn hans getur hver sem er sent tillögu að nýju nafni en fresturinn til að senda breytingatillögur rennur út hinn 11. mars næstkomandi. „Áherslan er á hagsmuni heimilanna gagnvart skuldavanda og fjármálakerfinu, nýja stjórnarskrá, þetta eru þeir tveir punktar sem eru efst á blaði,“ segir Friðrik spurður út í helstu stefnumál Breiðfylkingarinnar. Hann bætir við að hin nýju samtök líti svo á að það eigi að samþykkja frumvarp Stjórnlagaráðs um ný stjórnskipunarlög. Aðspurður út í stefnu Breiðfylkingarinnar í Evrópumálum segir Friðrik: „Það kemur beinlínis fram í drögunum að við séum sammála um að vera ósammála um ESB-aðild og það er ákveðin afstaða og ekkert hægt að afneita því,“ segir Friðrik og bætir við að forsvarsmenn Breiðfylkingarinnar álíti viðræðurnar komnar það langt að að öðru óbreyttu verði að klára þær og setja það sem út úr þeim kemur í þjóðaratkvæðagreiðslu. Í tilkynningu frá Breiðfylkingunni kemur fram að átta manns sitji í bráðabirgðaframkvæmdaráði samtakanna. Meðlimir bráðabirgðaframkvæmdaráðsins eru: Friðrik Þór Guðmundsson, Guðjón Arnar Kristjánsson, Helga Þórðardóttir, Jón Þór Ólafsson, Kristján Þorsteinsson, Margrét Rósa Sigurðardóttir, Þórdís B. Sigurþórsdóttir og Þórður Björn Sigurðsson./////ÞaÐ MUN EKKI SKORTA FRAMBOÐUN Í ÁR EF AF VERÐUR!!!Þessi óánægjuframboð koma á færibandi!!! þetta skapar allskonar órettlæti að mínu mati atkvæði detta niður dauð og þetta bíður uppá als konar óáran sem ekki er fyrirsjánalegt????/Halli gamli

Breiðfylkingin boðar til stofnfundar