Úrsögnin var áfall////Og þó: kannski fall sé fararheill????

Úrsögnin var áfall Innlent | mbl | 10.3.2012 | 9:34 Lilja Mósesdóttir, formaður Samstöðu, segir að það hafi verið öllum sem koma að flokknum mikið áfall þegar annar varaformaður flokksins, Sigurður Þ. Ragnarsson, sagði sig úr honum. Lilja segist hafa hugleitt að hætta á þingi og segist telja Samstöðu nauðsynlegt mótvægi við fjórflokkinn. Þetta segir Lilja í viðtali í Sunnudagsmogganum í dag. „Frá því ég sagði mig úr VG í mars á síðasta ári og þangað til í lok október íhugaði ég að hætta á þingi og var reyndar mjög nálægt því. En þetta sumar höfðu margir samband við mig og reyndu að sannfæra mig um að ég hefði mikinn stuðning úti í samfélaginu. Að ég væri að bregðast þeim stuðningi með því að hætta áður en mér hefði tekist að ljúka verkefni mínu, þ.e. að tryggja hagsmuni almennings í endurmótun samfélagsins eftir hrun. Ég var sammála þessu, en fannst tilgangslítið að ganga aftur inn í valdakerfi 

Fjórflokksins og reyna að ná fram breytingum þaðan. Þess vegna ákvað ég að stofna nýjan flokk sem valkost við fjórflokkinn, þó ég vissi að það myndi taka allan minn tíma og orku næstu árin. Þegar við vorum að undirbúa stofnunina lagði ég áherslu á að fá til liðs við mig einstaklinga úr ólíkum áttum til að móta grundvallarstefnu Samstöðu og mynda bráðabrigðastjórn flokksins fram að næsta landsfundi,“ segir Lilja. Frá fundi Samstöðu, flokks lýðræðis og velferðar, þann 7. febrúar í Iðnó. Ómar Óskarsson En þið hafið ekki unnið sérlega þétt saman. Annar af tveimur varaformönnum flokksins, Sigurður Þ. Ragnarsson, sagði sig úr honum mánuði eftir að tilkynnt var um stofnun hans. „Það var mikið áfall fyrir okkur öll. Ég kynntist Sigurði aðeins þegar hann var á Útvarpi Sögu. Þá talaði hann um að ég yrði endilega að láta sig vita þegar ég stofnaði flokkinn. Sem ég og gerði. En þar sem við vorum að vinna á bak við tjöldin fyrstu mánuðina, þá varð það að samkomulagi að við segðum ekki frá því út fyrir hópinn hverjir væru í honum. Þannig að ég hafði ekki þetta tæki sem maður notar alltaf; að kanna bakgrunn fólks áður en því er falið ábyrgðarstöður. Það hefði hugsanlega komið í veg fyrir þessa uppákomu.“ Haft var eftir varaformanninum fyrrverandi að ein af ástæðunum fyrir því að hann sagði af sér væri sú að öðrum í hópnum hafi fundist hann fá helst til mikla fjölmiðlaathygli. Er það ekki nokkuð fyrirsjáanlegt, þegar landsþekktur maður á í hlut? „Við bjuggumst auðvitað við því að hann fengi meiri athygli en margir aðrir og þess vegna töluðum við um að leggja áherslu á að leyfa öllum að tjá sig við fjölmiðla. Við vorum með tvo varaformenn, Sigurð og Agnesi Arnardóttur, sem var algjörlega hunsuð þegar við tilkynntum um stofnun flokksins,“ segir Lilja. Sigurður kaus að túlka tilmæli um að við þyrftum að dreifa athyglinni þannig að hann mætti ekki fara í fjölmiðla. Við margleiðréttum hann, en hann kaus að láta óánægju sína í ljós í viðtali í DV. Það var ekki um neinn klofning að ræða í flokknum þrátt fyrir að fjölmiðlar hafi farið hamförum í þessu máli.“ En hvað með þennan umtalaða tölvupóst?. „Í tölvupóstinum var ekkert sem ekki var rétt og því fannst mér eðlilegt að senda hann á alla viðtakendur.“ En átti Sigurður að fá hann? „Miðað við viðbrögð hans, þá voru það mistök að senda honum tölvupóstinn á þessum tímapunkti.“ Viðtalið er birt í heild sinni í Sunnudagsmogganum í dag.////////Þetta tal um fjórflokkin er orðið svolítið þreitt!! allir geta tekið sig á af vilji er fyrir hendi og geta!!! það er svo að það er mikið gott sem Lilja hefur verið að prétika og við flest sem erum félagslind viljum svona með ýmsum útfærslum en ekki bara ei,hun hefur góðar hugmyndir og stefnur en það þarf að ígrunda það bestur,Róm var ekki byggið á einum degi!!! það sosíalista formmverður að vara meira frjálslint og aðgerðir ekki nema fólkið  vilji þær,það verður gaman að skoða heildar pakkann hennar og það mun maður gera!!!!en sjálsfstæði mansins er í mínum huga það besta,svo sjáum við rest///Halli gamli

Úrsögnin var áfall

Athugasemdir

[Anna Sigríður Guðmundsdóttir, 10.3.2012 kl. 12:01]

Sæll Halli minn. Það er rétt hjá þér að fall er fararheill. Sá sem stendur af sér byrjunarörðugleika, er líklegri til að ráða við stóru verkefnin.

Ekkert í veröldinni gengur snurðulaust, og enginn er fullkominn, sem betur fer.

Í mínum huga eru bæði Sigurður Þ. Ragnarsson og Lilja Mósesdóttir ágætis manneskjur, þrátt fyrir þessa útblásnu atburðarrás. Það er verkefni okkar almennings að gera ekki alltaf stórmál úr litlu tilefni. Við erum víst á köflum of áhrifagjörn og dómhörð, og gleymum að taka með í reikninginn, að enginn gerir alltaf rétt.

M.b.kv.

[Guðjón Sigþór Jensson, 11.3.2012 kl. 09:41]

Sammála þér Anna. Sundurlyndi þjóðarinnar er ekki líklegt til að auka velgengni þjóðarinnar. Sjónarmið Lilju Mósesdóttur byggjast að verulegu leyti á lýðskrumi. Hver á t.d. að borga fyrir skussana? Hverjir eiga að borga niðurfelld lán? Og af hverju mátti ekki staðfesta lögin um Icesave sem hefðu leyst margan hnútinn.

Góðar stundir.