Éljagangur og stormur/Aðgát skal höfð!!!!!

Éljagangur og stormur Innlent | mbl.is | 11.3.2012 | 10:40 Stormurinn um norðan- og austanvert landið gengur smám saman niður í dag, einkum þegar líður á daginn. Él verða norðvestantil og á hæstu fjallvegum, skafrenningur að auki s.s. á Bröttubrekku, Holtavörðuheiði og Öxnadalsheiði. Á Hellisheiði mun einnig ganga á með éljum í n vindur hefur þegar gengið þar mikið niður, samkvæmt upplýsingum Vegagerðarinnar. Óveður er á Holtavörðuheiði, Öxnadalsheiði og í Mývatnsöræfum. Þá er einnig óveður í

Víkurskarði. Fjallvegir á Vestfjörðum eru ófærir fyrir utan Gemlufallsheiði, þar er hálka og skafrenningur. Eins og sjá má á meðfylgjandi mynd fara vindhviður á mörgum veðurstöðvum nú yfir 20 metra á sekúndu, en myndin er tekin úr vegsjá Vegagerðarinnar. Á þeim stöðum þar sem vindhraði mælist yfir 20 m/s er veðurstöðvar merktar í rauðum lit. Í vegsjá Vegagerðarinnar má sjá þær veðurstöðvar sem mæla nú vindhviður í yfir 20 metrum á sekúndu. Af vef Vegagerðarinnar Hálkublettir eru á Mosfellsheiði og Lyngdalsheiði. Annars er að mestu autt á Suðurlandi en þó hálkublettir á örfáum leiðum. Hálka og skafrenningur er á Bröttubrekku og hálka á Holtavörðuheiði þar sem einnig er óveður. Hálkublettir eru svo víðast hvar á Snæfellsnesi en þó er hálka á Vatnaleið. Á Vestfjörðum er hálka, snjóþekja eða þæfingur. Á Gemlufallsheiði er hálka og skafrenningur, ófært er svo á öðrum fjallvegum á Vestfjörðum. Hálkublettir og éljagangur er á Ströndum. Á Norðurlandi vestra eru hálkublettir nokkuð víða. Norðaustanlands er hálka og óveður á Öxnadalsheiði og Mývatnsöræfum. Óveður er einnig á Víkurskarði en þar er snjóþekja. Á öðrum leiðum eru víða hálkublettir eða hálka. Austanlands er hálka á Oddskarði en hálkublettir og óveður á Möðrudalsöræfum og Fjarðarheiði.Greiðfært er víða á láglendi./////////Það er betra að fara varlega í umfer'inni þagar svona viðrara,og flugið er ekki komið í lag fyrr en sennilega seinni partinn!! það er betra að fara varlega og komst leyðar sinnar og heill heim/Halli gamli

Éljagangur og stormur