Fækkun ráðuneyta samþykkt / ef þetta verður samþykt,verður þvi eflaust breitt aftur!!!

Fækkun ráðuneyta samþykkt Innlent | mbl.is | 21.3.2012 | 18:00 Ríkisstjórnin hefur samþykkt tillögu ráðherranefndar um stjórnkerfisumbætur varðandi breytingar á heitum og fjölda ráðuneyta í Stjórnarráði Íslands. Tillagan er nú til umfjöllunar í þingflokkum ríkisstjórnarflokkanna en við breytinguna fækkar ráðuneytum úr tíu í átta. Í samræmi við nýsamþykkt lög um Stjórnarráð Íslands verður lögð fram þingsá

 þingsálitatillaga Alþingi sem að þessu lýtur. Þar er lagt til í stað iðnaðarráðuneytis, sjávarútvegs- og landbúnaðarráðuneytis, umhverfisráðuneytis, efnahags- og viðskiptaráðuneytis og fjármálaráðuneytis komi atvinnuvega- og nýsköpunarráðuneyti, fjármála- og efnahagsráðuneyti og umhverfis- og auðlindaráðuneyti. Breytingin taki gildi 1. september Með þessari breytingu fækkar ráðuneytum út tíu í átta og er þar með stigið lokaskrefið í sameiningarferli ráðuneytanna í samræmi við samstarfsyfirlýsingu ríkisstjórnarflokkanna, segir á vef ríkisstjórnarinnar. Í upphafi kjörtímabilsins voru ráðuneytin 12 talsins. Stefnt er að því að ljúka umfangsmikilli sameiningu og verkefnatilfærslum milli ráðuneyta á næstu mánuðum þannig að breytingarnar taki gildi 1. september nk. Fjármálamarkaður heyri undir atvinnu- og nýsköpunarráðuneyti Auk verkefna sem áður heyrðu undir sjávarútvegs- landbúnaðar- og iðnaðarráðuneytið er gert ráð fyrir að til nýs atvinnuvega- og nýsköpunarráðuneytis færist verkefni sem tengjast fjármálamarkaði, almennum leikreglum atvinnulífsins og viðskiptamálum sem nú heyra undir efnahags- og viðskiptaráðuneytið. „Í ljósi greiningarvinnu sem fram hefur farið þykir skynsamlegt og faglega rétt að verkefni sem tengjast hagstjórn séu færð frá efnahags- og viðskiptaráðuneyti til fjármálaráðuneytis og heiti þess breytt í fjármála- og efnahagsráðuneyti. Með þessari breytingu verða því öll meginverkefni á sviði hagstjórnar, ríkisfjármála, peningastefnu- og gjaldeyrismála á einum stað innan Stjórnarráðs Íslands. Sambærilegt fyrirkomulag er m.a. í Svíþjóð, Finnlandi, Noregi, Írlandi og á Bretlandi. Loks er með stofnun umhverfis- og auðlindaráðuneytis á grunni umhverfisráðuneytis er lögð áhersla á aukið hlutverk þess varðandi sjálfbæra nýtingu auðlinda í samstarfi við atvinnuvega- og nýsköpunarráðuneyti. Umhverfis- og auðlindaráðuneytið mun hlutast til um mótun og lögfestingu meginreglna umhverfisréttarins og skilgreiningu þeirra viðmiða sem gilda eiga um sjálfbæra nýtingu,“ segir á vef ríkisstjórnarinnar. Staða efnahagsmála styrkt enn frekar „Með þessum breytingum verður stigið stórt skref og jafnræði aukið í þjónustu Stjórnarráðsins við allar atvinnugreinar, einnig verslun og þjónustu, svo sem ferðaþjónustu, og hugverkagreinar,“ segir Jóhanna Sigurðardóttir forsætisráðherra á vef ráðuneytisins. „Þá verður staða efnahagsmála innan Stjórnarráðsins styrkt enn frekar og til verða þrjú öflug ráðuneyti sem endurspegla breytingar sem orðið hafa og munu verða á samfélagi okkar og alþjóðaumhverfi.“//////Hver svo gróðin við þetta engin að mínu áliti als  engin, þegar upp er staðið,þetta er bara gert fyrir ESB ef þangað kemst Jóhanna sem hún ættlar sér/Halli gamli

Fækkun ráðuneyta samþykkt

Athugasemdir

[Guðjón Sigþór Jensson, 21.3.2012 kl. 18:46]

Haraldur:

Þið íhaldsmenn eruð seint og snemma að skamma vinstri menn að bruð'la með opinbert fé. Svo þegar vinstri menn koma með mjög hagsýnar hugmyndir um sparnað í opinberri stjórnsýslu, m.a. að fækka ráðuneytum, þá verðið þið alveg þverir fyrir!

Sjálfstæðisflokkurinn nánast „splundraði“ ráðuneytum m.a. til þess að þjónkast Framsóknarflokknum í stjórnarmyndunum. Þar var fyrst og fremst verið að hugsa um völd fremur en hagsýni.

Eigum við ekki að fagna því að vinstri menn geti sýnt ráðdeildarsemi sem gætin orðið Íhaldinu og Framsóknarflokknum góð fyrirmynd?

Góðar stundir undir hagsýnni stjórn Jóhönnu og Steingríms!

[Almenningur (IP-tala skráð) 21.3.2012 kl. 19:04]

Reynslan hefur sýnt að rekstarkostnaður hefur aukist til langframa við sameiningu ráðuneita! Svo furðulega sem það hljómar! Núna er í fréttum að Landbúnaðarháskólinn hefur farið 300 m.kr fram úr fjárheimildum sl. ár og skuldar yfirr 700 m.kr! Sýnir þetta "ráðdeildarsemi" menntamálaráðherra VG, sem setið hefur í því embætti sl. tæp 4 ár? Hvar er ráðherraábyrgðin núna??

[Almenningur (IP-tala skráð) 21.3.2012 kl. 19:08]

...sl. tæp 3 ár....

[Haraldur Haraldsson, 21.3.2012 kl. 20:34]

Það var aldrei í minni tíð hér áður neinn galli að vera íhald Mosi og var ég þá Alþyðuflokksmaður,eins og flest mitt fólk,en það breittist eftir að kommar tóku þar völdin með allaböllum öllum!!!En reiknaðu bara betur og sjaðu sannleikan þetta er bara tap en ekki gróði/Kveðja

[Guðjón Sigþór Jensson, 22.3.2012 kl. 09:47]

Eins og þú mannst Halli þá var faðir minn einnig krati, kannski vinstri krati og fylgdi Hannibal.

Nú má setja upp dæmið þannig, að kommarnir náðu því markmiði að stjórna Sjálfstæðisflokknum gegnum Davíð Oddsson. Endilega kíktu á grein Helga Hjörvar um málið sem birtist fyrir um áratug í Morgunblaðinu (6.maí 2001): Klassískur kommúnistaleiðtogi: http://www.mbl.is/greinasafn/grein/603785/?item_num=1&searchid=029cc41aa0dab494ac46c9460478a59319a785af

Hver er sá sem dylst bak við dulnefnið: Almenningur? Til hverrar „reynslu“ er verið að vísa til og hvar hefur sú reynsla verið?

Við getum hins vegar litið á áætlanir um sameiningu ráðuneyta en þar er vikið að þeim sparnaði sem stefnt er með sameinoingunni.

Ef „Almenningur“ svarar ekki þá verður að líta á fullyrðingu hans eins og hvern annan þvætting. Er hann kannski í forystusveit Sjálfstæðisflokksins núverandi eða fyrrverandi?

Góðar stundir!