Vinna mikilvægasta velferðarmálið/Góð ræða þetta :mæli með að lesa þetta!!!

Vinna mikilvægasta velferðarmálið Innlent | mbl | 1.5.2012 | 14:32 „Við erum ekki öll jöfn því enn eru störf fjölmargra stétta ekki metin að verðleikum og enn mælist munur á launum karla og kvenna í sambærilegum störfum,“ sagði Elín Björg Jónsdóttir, formaður BSRB. Hún sagði við hæfi á baráttudegi verkalýðsins að líta um öxl og minnast þess sem hefði áunnist og að á síðustu öld hafi verkalýðshreyfingin lagt grunninn að nútíma samfélagi með fórnfýsi og óeigingjarnri baráttu.

Það hafi verið átök launafólks og atvinnurekenda sem hafi kostað fólk oftar en einu sinni vinnuna og þar með jafnvel aleiguna. Baráttan snerist um um grundvallarréttindi „En með óbilandi trú og samstöðu hélt það baráttunni áfram þótt mótbyrinn væri oft mikill. Þessi barátta snérist um grundvallarréttindi eins og hvíldartíma, félagafrelsi, lífeyrisréttindi og samningafrelsi –réttindi sem í dag þykja sjálfssögð. Það má með sanni segja að ef ekki hefði verið fyrir verkafólki fyrri tíma og þrotlausa baráttu þeirra byggjum við ekki við það velferðarkerfi sem við búum við í dag,“ sagði Elín Björg.

Hún sagði 1. maí ekki bara vera minningarhátíð, heldur einnig baráttudag og að hann væri það egna þess að barátta launafólk héldi sífellt áfram. „Og baráttan hefur sjaldan verið mikilvægari en einmitt nú þegar þeirri samfélagsgerð sem forfeður okkar komu á, þrátt fyrir bágindi og kröpp kjör, er ógnað. Niðurskurður, uppsagnir og kjaraskerðingar hafa einkennt þessi ár eftir efnahagshrunið.

Velferðarkerfið eins og það leggur sig er í hættu og því megum við aldrei fórna,“ sagði Elín Björg. Hátt atvinnustig grunnforsendar fyrir velferðarkerfinu Elín Björg vék orðum sínum að atvinnustiginu og sagði: „En grunnforsenda þess að hægt sé að halda uppi góðu velferðarkerfi er hátt atvinnustig. En landsmenn allir, og ekki síst íbúar utan höfuðborgarsvæðisins líkt og þið hér á Húsavík þekkið mæta vel, vantar talsvert þar upp á. Langtímaatvinnuleysi – hugtak sem vart þekktist á Íslandi fyrir fjórum árum síðan – er nú orðið staðreynd.

Brýnasta verkefni stjórnvalda í dag er þess vegna að búa svo um að atvinnulífinu gefist færi á að blómstra. Atvinnan er undirstaða alls hér á landi og án hennar getum við ekki haldið uppi velferðarkerfi. Og þetta tvennt – hátt atvinnustig og velferðarkerfi – verða að haldast í hendur. Þegar atvinnustigið minnkar skapar það mikinn þrýsting á velferðarkerfið. Með auknu atvinnuleysi minnkar innkoma hins opinbera og útgjöld aukast.

Aðalverkefni stjórnvalda er þess vegna að sjá til þess að atvinnustigið sé hátt til að jafnvægi sé á kerfinu. Atvinna skapar ríkinu tekjur og því fleiri sem eru á vinnumarkaði þeim mun meiri eru tekjurnar. Og fyrir tekjurnar rekum við svo almannaþjónustuna.“ Lokun heilbrigðisstofnana skerðir lífsgæði Elín Björg ræddi um almannatryggingakerfið og sagði nærþjónustuna vera einn mikilvægasta þátt þess „og að sama skapi er það mikilvægt að fólk geti sótt atvinnu nærri sinni heimabyggð. Með því að leggja heilbrigðisstofnanir í minni byggðarlögum af er ekki aðeins verið að fækka störfum á þeim stöðum heldur einnig skerða lífsgæði þeirra sem þar búa.“ Hún sagði að fólk hugsaði sér til hreyfings um leið og lífsgæði rýrnuðu.

Hún sagði að keðjuverkun færi af stað um leið og fólk flytti, hvort sem væri frá dreifbýli til þéttbýlis eða frá Íslandi til útlanda. Slíkt „getur haft miklar og varanlegar neikvæðar afleiðingar fyrir þjóðina,“ sagði Elín Björg. Vinna mikilvægasta velferðarmálið „Fjölbreytt atvinnuuppbygging verður að eiga sér stað á landinu öllu til þess að lífvænlegt sé í öllum byggðum landsins og á landinu yfir höfuð. Velferðarkerfið verður að vinna samhliða atvinnuþróun og aðeins í sameiningu geta þessir tveir grunnþættir veitt íbúum landsins öryggi og umönnun samhliða því að stuðla að hagvexti og batnandi lífskjörum. En til þess að endar nái saman verða stjórnvöld að búa þannig um hnútanna að sem flestir hafi tækifæri til að vinna. Annars gengur dæmið ekki upp. Þess vegna er vinna mikilvægasta velferðarmálið,“ sagði Elín Björg í ræðu sinni á Húsavík nú fyrir skömmu. Ræðuna í heild má lesa í viðhengi með fréttinni./////Góð ræða þetta og sönn!!!! það er svo að þetta hefur oft kostað fórnir og mun eflaust gera það, þó fólk sé að segja breytta tíma,það er alltaf barátta um launin og þau séu nóg til framfærslu og réttra lifanaðhátta/Við eigum öll að standa þarna saman//Halli gamli

Vinna mikilvægasta velferðarmálið