Raðirnar styttast ekki/nei þær bara lengjast,hvað segir heilaga vinstri stjórnin við þessu???

Raðirnar styttast ekki Innlent | mbl | 9.5.2012 | 20:15 Fullyrðingar ýmissa ráðamanna um að Ísland sé að sigla út úr kreppunni virðast lítil áhrif hafa á raðirnar fyrir framan hús Mæðrastyrksnefndar, en þar er úthlutað mat og nauðsynjavörum á hverjum miðvikudegi. Á milli 300-500 fjölskyldur fá þar aðstoð í viku hverri. Á hverjum miðvikudegi koma á bilinu 300 - 500 manns til Mæðrastyrksnefndar og fá þar afhentan mat og nauðsynjavörur, en á bak við hvern einstakling er oft nokkurra manna fjölskylda. Ragnhildur Guðmundsdóttir, formaður nefndarinnar segir þennan hóp hafa breyst nokkuð, öldruðum hafi fjölgað, en einnig komi öryrkjar í auknum mæli. Stórar fjölskyldur þurfi einnig meira á þessari aðstoð að halda en áður. Íslendingar hjálpsamir í eðli sínu Mikill undirbúningur er jafnan að úthlutuninni, afla þarf matvæla og skipta þeim í poka. Starfið er unnið í sjálfboðavinnu og Ragnhildur segir að enginn hörgull sé á þeim sem séu tilbúnir til að verja tíma sínum í gott málefni. Hvers vegna heldurðu að fólk sé svona viljugt til að koma og vinna sem sjálfboðaliðar? „Ég held að það sé í eðli Íslendinga. Þeir eru hjálpsamir og vilja styðja hvorn annan. Ég held að það sé þessi þörf sem kallar okkur hingað,“ segir Ragnhildur. „Við fáum mikið af símtölum frá fólki sem spyr hvað það geti gert til að styðja okkur. Sumir hringja einfaldlega og segjast ætla að leggja inn á reikninginn okkar. Það er svo margt hjálpsamt fólk á Íslandi. Svo fáum við mikla aðstoð frá ýmsum félagasamtökum og fyrirtækjum. Mæðrastyrksnefnd á marga vini.“ Þung spor Skjólstæðingar Mæðrastyrksnefndar munu koma að lokuðum dyrum í júlí en þá verður engin úthlutun. Lokunin er nauðsynlegt til að dytta að húsnæði og Ragnhildur hefur áhyggjur af skjólstæðingum sínum í sumar, en önnur hjálparsamtök draga einnig úr þjónustu sinni yfir sumarið. Rúmlega fimmtug kona, sem hefur margoft leitað til Mæðrastyrksnefndar um aðstoð, segir að sporin séu þung þegar haldið er af stað í úthlutunina „Því miður hef ég komið hingað oft. En ég er öryrki og á tvö börn og þetta er eina leiðin fyrir okkur til að ná endum saman. Ég á fáa að og fæ ekki aðstoð annars staðar. Að þurfa að fara hingað aftur og aftur er erfitt.“ Margar sorglegar sögur Ragnhildur segir að á meðan verð hækki og laun standi í stað séu litlar líkur á að þörfin fyrir aðstoð Mæðrastyrksnefndar minnki. Niðurskurður í velferðarkerfinu hafi líka mikið að segja og hún segist heyra margar sorglegar sögur fólks sem ekki getur farið með börn sín til læknis eða leitað sér nauðsynlegrar læknishjálpar.////////Hvað segir hin hreina norræna vinstri stjórn við þessu??? Finnst Jóhönnu og Steingrí þessi 3 ár að koma okkur á rettan kjöl,eða hvað er að spyr maður bara,svarið er kosningar ekkert annað!!!!Halli gamli

Raðirnar styttast ekki