Yfir 20 breytingartillögur//Ég ekki sáttur við þetta,það er ekki teystandi þessu vinstra liði því miður!!!

Yfir 20 breytingartillögur Innlent | mbl.is | 23.5.2012 | 7:57 Yfir 20 breytingartillögur hafa verið lagðar fram á Alþingi við tillögu stjórnskipunar og eftirlitsnefndar Alþingis um ráðgefanda þjóðaratkvæðagreiðslu um tillögur stjórnlagaráðs. Stjórnskipunar- og eftirlitsnefnd leggur sjálf til fimm breytingartillögur á upphaflegri tillögu og einnig leggur Valgerður Bjarnadóttir, formaður nefndarinnar, til

að bætt verði í tillöguna að þjóðaratkvæðagreiðslan fari fram eigi síðar en 20. október. Tillaga nefndarinnar gengur út á að lagðar verði sex afmarkaðar spurningar fyrir þjóðina, en þær eru um hvort leggja eigi tillögur stjórnlagaráðs til grundvallar frumvarpi að nýrri stjórnarskrá, en einnig er spurt um náttúruauðlindir, um stöðu þjóðkirkjunnar, um persónukjör, jöfnun atkvæðavægis og um þjóðaratkvæðagreiðslur. Vigdís Hauksdóttir vill að bætt verði við spurningu um hvort draga eigi umsókn Íslands um aðild að Evrópusambandinu til baka. Nokkrir þingmenn stjórnarflokkanna hafa lýst stuðningi við að greidd verði atkvæði um hvort halda eigi áfram aðildarviðræðum. Jafnramt liggur fyrir að ekki munu allir þingmenn stjórnarandstöðunnar styðja tillöguna. Jón Bjarnason vill að bætt verði við spurningunni: Vilt þú að tryggt sé í stjórnarskrá jafnræði allra landsmanna þegar kemur opinberri þjónustu, óháð búsetu? Lilju Mósesdóttur hefur lagt fram tvær breytingatillögur en hún vill að eftirfarandi spurningum verði bætt við: Vilt þú að í nýrri stjórnarskrá verði ákvæði um að almenningur geti krafist þjóðaratkvæðagreiðslu um lög sem varða skattamál? Vilt þú að í nýrri stjórnarskrá verði ákvæði um að almenningur geti krafist þjóðaratkvæðagreiðslu um lög sem sett eru til að framfylgja þjóðréttarskuldbindingum? Þorgerði Katrínu Gunnarsdóttur vill að einnig verði spurt: Vilt þú að þingmönnum verði fækkað úr 63 í 51? Gunnar Bragi Sveinsson og Ásmundur Einar Daðason hafa lagt fram fimm breytingatillögur: Vilt þú að í stjórnarskrá verði kveðið á um jafnrétti til búsetu? Vilt þú að í stjórnarskrá verði ákvæði er tryggi jafnan rétt til nýtingar allra auðlinda? Vilt þú að í stjórnarskrá verði ákvæði sem veitir ríkisvaldi heimild til framsals ákvarðana til annars stjórnvalds um nýtingu auðlinda? Vilt þú að í stjórnarskrá verði ákvæði sem kveður á um jöfnun raforku- og hitaveitukostnaðar heimila? Vilt þú að í stjórnarskrá verði ákvæði sem kveður á um rétt allra landsmanna til jafnra samgangna? Vilt þú að í stjórnarskrá verði ákvæði sem kveður á um jafna dreifingu útgjalda ríkisins milli landshluta? Sigmundur Davíð Gunnlaugsson hefur lagt fram þrjár breytingartillögur: Er mikilvægt að ákvæði stjórnarskrár Íslands séu auðskiljanleg? Eiga breytingar á stjórnarskrá að miða að því að um hana verði sem víðtækust sátt? Er mikilvægt að ákvæði stjórnarskrár Íslands séu framkvæmanleg? Þá leggur Illugi Gunnarsson til að bætt verði við spurningunni: Vilt þú að í nýrri stjórnarskrá verði náttúruauðlindir sem ekki eru í einkaeigu lýstar ævarandi opinber eign?/////Auðvitað höfum við öll misjafnar skoðanir ekki spurning!! en þarna er maður ekki sáttur við sýna menn alls ekki,kannski er það hin ílla reynsla af þessu Stjórnarliði,sem er ekki gott að hafa á traust,en kannski er maður ekki sannspár,en þetta legst illa í mig/Halli gamli

Yfir 20 breytingartillögur