Verið að skemma besta kerfið/Takið eftir þessu ,það er senilega alveg rétt!!!

Verið að skemma „besta kerfið“ Innlent | mbl.is | 23.5.2012 | 18:11 „En nú lítur út fyrir að Ísland vilji taka út úr fiskveiðistjórnarkerfi sínu nákvæmlega það sem gerir það að verkum að kerfið virkar. Það er möguleikann á að selja eða leigja aflaheimildirnar, það sem fyrst og fremst gerir þær að einkaeign.“ “ segir fjárfestirinn Tim Worstall í grein á vefsíðu bandaríska viðskiptatímaritsins Forbes í dag undir fyrir sögninni „Hvers vegna er Ísland að skemma heimsins besta fiskveiðistjórnunarkerfi?“ Í greininni fjallar hann um sjávarútvegsmál Íslendinga og mikilvægi þeirra fyrir íslenskt efnahagslíf. Hann bendir á að illa hafi tekist til við stjórn sjávarútvegsmála víðast hvar í heiminum og nefnir sameiginlega sjávarútvegsstefnu Evrópusambandsins sérstaklega til sögunnar í því sambandi. Ísland væri hins vegar á meðal fárra staða í heiminum þar sem tekist hefði að finna lausn á því mikilvæga umhverfismáli sem stjórn fiskveiða væri en nú stæði hins vegar til að eyðileggja það fiskveiðistjórnunarkerfi sem hafi stuðlað að því./////"Bragð er að þá barnið finnur "segir  máltækið,og þarna kemur þetta algjörlega í ljós hvað þessi ríkisstjórn vill!!!Eyðileggja gott kvótakefi!!!!/Halli gamli

Verið að skemma „besta kerfið“

Athugasemdir

[Óskar, 23.5.2012 kl. 18:33]

já gamli skröggur, við verðum að passa að ekki fari ein fokking króna frá sægeifunum til þjóðarinnar.

[Árni Gunnarsson, 23.5.2012 kl. 19:00]

Hafi maðurinn fengið réttar upplýsingar þá er hann annað hvort vitleysingur eða hefur látið þetta út úr sér dauðadrukkinn.

Það er áreiðanlega ekki gott kerfi sem skilar þriðjungi þeirra aflaheimilda sem lagt var upp með fyrir tæplega þrjátíu árum.

Enginn myndi tala um besta lyf í heimi sem skilaði þrisvar sinnum fleiri dauðsföllum af völdum sjúkdómsins en áður en það var prófað fyrir 3ö árum.

Eða, heldurðu það? 

[Valur Björn (IP-tala skráð) 23.5.2012 kl. 19:12]

Tek undir að hluta hjá þessum manni en eins og Árni bendir á að þá er greinilegt að maðurinn hefur fengið arfaslakar upplýsingar,hitt er að þetta kerfi má betrumbæta og vona ég að það verði gert af skynsemi heldur en hefnigirni eins og allt stefndi í.

[Haraldur Haraldsson, 23.5.2012 kl. 22:06]

Það er stórt tekið upp í sig Óskar og Árni en það breytir ekki þeirri staðreynd að með lagfæringu er þetta það besta sem um getur/Kveðja

[Árni Gunnarsson, 23.5.2012 kl. 22:32]

Kerfi sem búið er að festa í þjóðarumræðu sem besta kerfi í heimi verður ekki "viðkunnanlegu" aðferðum.

Meira að segja fólkið í sjávarþorpunum vill bara styðja þingmanninn sinn og leyfa honum að ljúga því að kjósendunum að þorpið sem fær ekki að nýta fiskimiðin muni leggjast í eyði ef togarar HB Granda hætta að veiða fiskinn úti fyrir og selja hann beint til útlanda.

Og við skulum halda okkur við staðreyndir en ekki kalla eitthvert rugl staðreyndir.

[Anna Sigríður Guðmundsdóttir, 23.5.2012 kl. 22:33]

Halli. Það fylgdi ekki rökstuðningur með þessum ummælum "fjárfesta-vitringsins", svo þessi ummæli hans eru ekki pappírsins virði, sem þau voru skrifuð á.

"Fjárfestirinn" svokallaði er hins vegar með dollara-augu, eins og ég kalla stundum svona ísköld peninga-græðgi-augu.

Við þurfum ekki ís-kaldar fjárfestinga-dollara-sálir til að segja okkur hvað er siðlegt og rétt, né hvað er ósiðlegt og rangt, því það getur vel menntuð og læs lýðræðisþjóð einfaldlega sagt sér sjálf.

Menntunin er lítils virði ef siðferðið varð útundan og eftir í vanþróuninni. Það er kannski stóra Íslands-mein nútímans.

M.b.kv.

[Haraldur Haraldsson, 23.5.2012 kl. 22:43]

Árni viltu benda mér á eitthavð kerfi sem slær þvi við,svona aðdróttanir eru oft ekkki svaraverðar,það má ymsu breyta það er ekki malið,en að bylta er ekki málið!!!!!Kveðja P/S Anna við erum oft sammála!!! en allir hafa málfrelsi þessi gaur einnig/Kveðja

[Anna Sigríður Guðmundsdóttir, 23.5.2012 kl. 22:45]

Árni. Ég get ekki annað en verið sammála þér, eins og svo oft áður.

Ég var að lesa á einhverjum Dönskum vef í dag, um hvernig fiskveiðistjórnmál ESB og fleiri landa í raun eru, og það var nú meiri fróðleikurinn. Ég kem með það seinna, þegar ég er búin að setja mig aðeins betur inn í dæmið.

Sannleikann uppá borðið er það eina sem dugar. Sama hversu ljótur og óþægilegur hann getur verið. Það er búið að ljúga nógu lengi að íslendingum, og misnota/ræna starfskrafta þeirra, til sjávar og sveita.

M.b.kv.

[Anna Sigríður Guðmundsdóttir, 23.5.2012 kl. 23:02]

Halli. Já, það er svo sannarlega rétt að allir hafa, eða eiga alla vega að hafa málfrelsi.

En þessi gaur hefði átt að nýta málfrelsið til að útskýra og koma með rök fyrir því sem hann var að segja. Annars er ekki neitt gagn að svona skrifum, eins og hjá honum. Það er ekki nóg að heita útlendu nafni og teljast fjárfestir, til að mark sé á fólki takandi.

Ég er samt ekki að segja að það eigi að færa fiskveiðar frá einni valdaklíku til annarrar, færa störf frá einu sveitarfélagi til annars, arðræna almenning í bæjarfélögunum, og sleppa öllum rökræðum landsmanna um staðreyndir, eins og sumir virðast vilja.

Það er margt í mörgu, eins og víðsýnn maður sagði eitt sinn. Raunveruleikann verðum við að ræða af hreinskilni, og það gerir þú Halli minn. Betur að fleiri væru eins heiðarlegir og hreinskilnir og þú.

M.b.kv.

[Haraldur Haraldsson, 23.5.2012 kl. 23:11]

Hárr rétt Anna!!!Þakka hlý orð i minn garð/kveðja P/S þú sjálf er rökföst!!! sami

[Anna Sigríður Guðmundsdóttir, 24.5.2012 kl. 00:06]

Halli. Takk fyrir hlý orð. Kannski var rökgreind eina greindin sem mér var gefin ríkulega. Mér var gefið rökgreindar-vit til að deila því af velvilja til annarra. Það er ég að reyna eftir bestu getu, þótt ég láti stundum reiði og dómhörku þvælast óþarflega mikið fyrir mér.

Þegar réttlætiskenndinni er misboðið, þá fær reiðin eldsneyti. Það er samt engin afsökun fyrir reiði. Bara minn veikleiki að stilla mig ekki, þegar réttlætiskenndinni er ofboðið.

M.b.kv.