Hvítasunnuhelgin fer vel af stað/Við skulum vona að það haldi áfram!!!

Hvítasunnuhelgin fer vel af stað Innlent | mbl | 26.5.2012 | 13:34 Hvítasunnuhelgin, fyrsta stóra ferðahelg

i sumarsins, hefur farið vel af stað um land allt og umferð gengið áfallalaust. Ýmislegt er í boði um landið m.a. hópreið hestamanna á Selfossi, blúshátíð á Hvolsvelli, vísindaveisla á Ísafirði og á Skagaströnd verða listamenn með opið hús. Hvítasunnuhelgin, fyrsta stóra ferðahelgi sumarsins, hefur farið vel af stað um land allt. Umferð gekk að mestu áfallalaust fyrir sig í gær föstudag að sögn lögreglu og lítið var um að menn væru teknir fyrir að aka of greitt. Umferð gengið vel fyrir sig Að sögn lögreglunnar á Selfossi var töluverð umferð um umdæmið seinni part föstudags en gekk afar vel fyrir sig og slysalaust. Reiknað var með að margir yrðu einnig á ferð um svæðið í dag að heimsækja ættingja og vini í uppsveitum Árnessýslu. Þá mun fjöldi hrossa og reiðmanna vera á ferð um Selfoss en búið er að boða til hópreiðar um svæðið í tilefni þess að vígja á nýja reiðhöll, Sleipnishöllina, kl. 15:00 í dag. Eflaust leggja þónokkrir leið sína í Grímsnesið um hvítasunnuna. Súsanna Svavarsdóttir Í Borgarnesi hafði lögreglan sömu sögu að segja. Mikil umferð var um umdæmið í gær og gekk óhappalaust fyrir sig. Töluverð umferð hafði einnig verið um svæðið í morgun, laugardag, þegar mbl.is hafði samband um hádegis bilið, en að sögn lögreglu var veður töluvert síðra í gær svo eflaust hafa einhverjir ákveðið að bíða með að leggja af stað. Hópreið, blúshátíð, vísindaveisla og opið hús hjá listamönnum Ýmislegt er í boði um landið þótt heldur snemmt sé fyrir bæjarhátíðir af ýmsum toga. Þegar hefur verið minnst á fyrrnefnd hátíðahöld hestamanna á Selfossi. Á Hvolsvelli fer fram blúshátíð í Hvolnum í kvöld en Blúsfélagið Hekla hefur endurvakið Norden Blues Festival, blúshátíðina sem fór undir ösku í eldgosunum 2010. Á Ísafirði fer fram Vísindaveisla í Edinborgarhúsinu um helgina þegar Háskólalestin sækir bæinn heim. Ýmiskonar fróðleikur verður þar í boði auk þess sem farið verður í leiki og þrautir. Þá verður listamiðstöðin Nes á Skagaströnd með opið hús á morgun, hvítasunnudag, þar sem gestir eru velkomnir en ellefu listamenn hvaðanæva að úr heiminum hafa undanfarið dvalið við listamiðstöðina. Það er því úr ýmsu að velja fyrir landsmenn þessa hvítasunnuna.//////Við skulum bara vona að þetta haldi áfram að fara vel,og að fyrsta alvöru ferðahelgin geri það og allir komi heilir heim!! Þessi Helgi er okkur Kristnum mönnum mikil hátíð og við viljum að þessa verði mynnst!!!En fólki er það mjög gott samt að koma saman um allt land og hitta kunningja og vera glatt og gef af sér!!! en við eigum að fara fara varlega og  engin slys !!!ef það tekst er þar í anda Hvítasunnunar!!!/Halli gamli

Hvítasunnuhelgin fer vel af stað