Geta Alþingismenn slaufað sumarfríi,það held ég ekki,þetta varðar ekki þjóðarhag,bara Forgangraða!!

Þorbjörn Þórðarson skrifar: Allt útlit er fyrir að það verði þingfundir á Alþingi í sumar en engin niðurstaða fékkst í dag í fund formanna stjórnarflokkanna með leiðtogum stjórnarandstöðunnar. Formaður Sjálfstæðisflokksins að þingið hafi aldrei verið jafn mikið undir hælnum á ríkisstjórninni og núna. Formenn stjórnarflokkanna, þau Jóhanna Sigurðardóttir og Steingrímur J. Sigfússon, funduðu með formönnum þingflokka sinna í morgun og fóru síðan á fund í þinghúsinu með leiðtogum stjórnarandstöðuflokkanna þeim Sigmundi Davíð Gunnlaugssyni og Bjarna Benediktssyni og Þór Saari frá Hreyfingunni til að ræða möguleg þinglok. Meðal þess sem rætt var á fundinum, samkvæmt upplýsingum fréttastofu, var hvort menn ætli að halda málþófinu áfarm í stórum málum, eins og í umræðu um frumvarp um veiðigjald og frumvarp til nýrra heildarlaga um stjórn fiskveiða, máls vegna IPA styrkja frá Evrópusambandinu (beinir fjárstyrkir) og rammaáætlun um orkunýtingu. Samkvæmt upplýsingum fréttastofu var engin niðurstaða á fundinum. Formenn stjórnarflokkanna lögðu áherslu á að klára öll stór mál sem mælt hefur verið fyrir. Þetta er mikill fjöldi mála, en þeir þingmenn sem fréttastofa hefur rætt við eru þeirrar skoðunar, í ljósi þessarar stöðu, að meiri líkur en minni séu á sumarþingi eins og staðan er núna. Bjarni Benediktsson, formaður Sjálfstæðisflokksins, sagði í samtali við fréttastofu að ef stjórnarflokkarnir hefðu sett fram raunhæfar áætlanir um það sem þyrfti að klára og gæfu tilslakanir í t.d sjávarútvegsmálum þá væri hægt að klára þingið um miðjan júní. „Ríkisstjórnin verður að fara að gera sér grein fyrir því að þinginu er að ljúka," segir Bjarni, en samkvæmt áætlun eru þinglok hinn 31. maí næstkomandi en 90 stjórnarmál eru óafgreidd í þinginu. Bjarni telur óraunhæft hjá ríkisstjórninni að ætla að klára öll mál sem mælt hefur verið fyrir. Þá segir hann formenn stjórnarflokkanna ósveigjanlega, ekki sé við stjórnarandstöðuna að sakast. Enginn vilji hjá ríkisstjórninni til að gera málamiðlanir Sjálfstæðismenn gáfu ríkisstjórnarflokkunum í raun frítt spil varðandi stjórnarskrármálið, efitr að hafa haldið uppi málþófi um nokkurn tíma og féllu frá öllum tillögum sínum um málamiðlanir, eins og að leggja efnisspurningar fyrir þjóðina í stað ráðgefandi atkvæðagreiðslu um tillögur stjórnlagaráðs. „Á endanum ákváðum við að taka ekki þátt í þessari vitleysu," segir Bjarni, en hann er þeirrar skoðunar að það sé óábyrgt að eyða mörg hundruð milljónum króna í ráðgefandi atkvæðagreiðslu sem sé í raun tilgangslaus. Það liggi fyrir að breyta þurfi tillögum stjórnlagaráðs þegar frumvarp til stjórnskipunarlaga verði smíðað fyrir kosningarnar 2013. Bjarni segir umræðuna um meint málþóf stjórnarandstöðu flokkanna skrýtna. Núverandi stjórnarandstöðuflokkar séu ekki að hegða sér öðruvísi en tíðkast hafi. Þá sé við stjórnina sjálfa að sakast, enginn vilji sé meðal stjórnarflokkanna að gera málamiðlanir og slaka á kröfum. Enginn vilji sé til dæmis til staðar um að ná sátt í sjávarútvegsmálinu, svo eitthvað sé nefnt. „Það er sjaldan sem eitt þing hefur verið jafn rækilega undir hælnum á ríkisstjórninni og núna," segir Bjarni. Magnús Orri Schram formaður þingflokks Samfylkingarinnar tók undir með öðrum þingmönnum sem fréttastofan ræddi við í dag og sagði að þingfundir í sumar væru líklegir eins og staðan væri núna. Magnús sagði að mörg stór mál hefðu ekki fengið næga umfjöllun og þingið þyrfti að gefa sér góðan tíma. [e-mail]/////svona frékju er ekki hægt að líða,auðvitað þurfa þessir menn sumarfrí,nema þjóðarhagur krfjist þessa,en það er ekki,það er bara hægt að forganraða og semja ekki spurnin ,hvar er samráðið núna hjá Ríssitjórn vorri?????/Halli gamli