Býr sig undir hugsanlegt hrun evrunnar//Ekki ráð nema í tíma sé tekið!!!

Býr sig undir hugsanlegt hrun evrunnar Viðskipti | mbl.is | 29.5.2012 | 15:50 Englandsbanki hefur hafið undirbúning fyrir það ef til þess kemur að evrusvæðið liðist í sundur að meira eða minna leyti. Meðal þeirra ráða sem bankinn hyggst grípa til ef á þarf að halda er að lækka vexti og frekari magnslökun. (e. quan titative easing). Fréttavefur breska dagblaðsins Daily Telegraph segir frá þessu í dag. Fram kemur að David Cameron, forsætisráðherra Bretlands, hafi í gær fundað með Mervyn King, bankastjóra Englandsbanka, Turner lávarði, yfirmanni breska fjármálaeftirlitsins, og George Osborne, fjármálaráðherra, í þeim tilgangi að ræða um aðgerðaáætlanir til þess að takast á við hugsanlegt hrun evrusvæðisins. Haft er eftir háttsettum embættismanni hjá Englandsbanka að markmiðið sé að milda áhrifin af því ef einhver ríki hætta þátttöku í evrusvæðinu en framkvæmdastjóri Alþjóðagjaldeyrissjóðsins, Christine Lagarde, varaði við því í síðustu viku að hugsanlega þyrfti að lækka breska stýrivexti niður í núll ef staða efnahagsmála versnaði frekar. Englandsbanki hefur þegar ráðist verulega magnslökun og lokið áætlun þar að lútandi. Þannig hefur bankinn í því skyni prentað peninga að andvirði 325 milljarða punda sem hugsanlega þaf að auka frekar samkvæmt frétt Daily Telegraph. Þá segir að vaxandi vangaveltur séu um það að Grikklandi verði hugsanlega gert að yfirgefa evrusvæðið í kjölfar þingkosninga sem fyrirhugsaðar eru 17. júní næstkomandi ef ekki tekst að mynda nýja ríkisstjórn sem styðji þær aðhaldsaðgerðir sem Evrópusambandið og Alþjóðagjaldeyrissjóðurinn hafa sett sem skilyrði fyrir áframhaldandi fjárhagsaðstoð við landið.//////Það er sagt að" ekki séu ráð nema i tíma sé tekið" segir máltækið,það er betra að hafa það svo að skoða þetta áður en skeður ef svo fer??!!!Þetta eiginlega blasir við og mun þykja kraftverk ef ekki,en skoðum að leikslokum!!!/Halli gamli

Býr sig undir hugsanlegt hrun evrunnar