Afslættir á ferðalögum innanlands/Það er furðulegt að hægt er að bjóða tveir fyrir einn af hverju ekki bara ódyrara fyrir alla???

Afslættir á ferðalögum innanlands Innlent | mbl | 10.6.2012 | 12:10 Það hefur þótt dýrt að ferðast innanlands undanfarið en alltaf finnst Íslendingum þó gaman að ferðast um landið og njóta náttúrunnar. Nú er boðið uppá afslætti af ýmissi afþreyingu sem kemur sér vel. þegar ferðast er um landið. Slíkir afslættir geta lækkað heildarkostnað töluvert. Hér verður fjallað um nokkur dæmi um afsláttarkjör sem bjóðas t. Afsláttur á ýmiskonar afþreyingu Fyrst ber að nefna Skemmtilegakortið sem gefur tveir fyrir einn af ýmissi ferðaþjónustu og afþreyingu. Kortið sem kostar 6.900 kr gefur fólki yfir 35 tilboð sem þýðir að borga verður aðeins fyrir annan aðilann af tveim. Meðal annars er þar tveir fyrir einn í Bláa Lónið, Jöklagöngu á Svínafellsjökli og hvalaskoðun. Með einni ferð í Jöklagöngu er búið að borga upp kortið og gott betur. En ein ferð kostar 10.900 kr á manninn. Þá duga tvær ferðir í Bláa lónið til að greiða upp kortið að fullu og gott betur, en fyrir einn fullorðinn í Bláa lónið kostar nú 5.800 kr. Þá þurfa veiðiáhugamenn og golfáhugamenn heldur ekki að örvænta því það býðst Veiðikort og Golfpassi sem getur nýst þeim vel í fríinu. Golfpassinn veitir þér aðgang að 20 golfvöllum hringinn í kringum landið og hægt er að leika allt að fimm hringjum á hverjum. Samtals gerir það 100 golfhringi, en passinn fyrir einstakling kostar 11.900 kr. Golfpassinn er fyrir alla, bæði langt komna og nýliða í íþróttinni. Þá er einnig hægt að fá fjölskyldupassa á 23.800 kr. sem gildir fyrir tvo fullorðna og tvö börn. Það er gaman að ferðast innanlands í fallegri náttúru Íslands eins og hjá Seljalandsfossi. mbl.is/Brynjar Gauti Veiðikortið gefur fjölskyldum leyfi til að veiða nær ótakmarkað í rúmlega 37 veiðivötnum víðsvegar um landið sem og að tjalda endurgjaldslaust við mörg þeirra. Kortið kostar 6.000 kr fyrir einn fullorðinn og fá börn yngri en 14 ára frítt með korthafa. Tjaldstæði alltaf ódýrasti kosturinn Að tjalda er ódýr kostur fyrir fjölskyldur þar sem tjaldstæði rukka að meðaltali 1.100 kr. á mann fyrir fullorðna, en rúmlega 800 kr. fyrir börn. Þá er ekki innifalið rafmagn fyrir þá sem það þurfa. Þá hefur heimasíðan www.tjalda.is greinagóðar upplýsingar um tjaldsvæði landsins og er þar hægt að leita eftir þeim ódýrustu. Þar er meðal annars hægt að finna fjölmörg tjaldstæði um allt land sem kosta innan við 1.000 kr á mann. Þá eru hótel og bændagistingar víðsvegar um land. Fosshótel býður uppá sumartilboðspassa sem gefur þér 3 nætur á tveggja manna herbergi með baði á 39.000 kr. eða 5 nætur á 49.000 kr. Þá kostar nótt á svipuðu herbergi á Eddu hótelum víðsvegar um land 18.800 kr og kosta því 3 nætur þar 56.400 kr. Fjölskyldan á ferðalagi Að mörgu þarf að huga þegar fara á með fjölskylduna í ferðalag innanlands svo kostnaður verði hóflegur. Hjón með tvö börn 13 og 6 ára, sem stefna á tíu daga ferðalag hringinn í kringum landið með ýmissi afþreyingu, geta keypt Skemmtilegakortið fyrir hjónin sem myndi duga fyrir þau í Bláa lónið, þar myndu þau þá borga fyrir annað hjóna og eldra barnið. Tjaldstæði í níu nætur myndi kosta fjölskylduna, 19.800 kr fyrir hjónin og 14.400 kr fyrir börnin, samtals 34.200 kr. fyrir 4 manna fjölskyldu í níu nætur. Þá gæti fjölskyldan nýtt Skemmtilegakortið enn betur og farið í selasiglingu og í landnámssetrið á leið sinni í kringum landið og fengið tveir fyrir einn fyrir foreldrana af aðgangseyrinum. Ferðalagið myndi því kosta 64.850 fyrir 4 manna fjölskyldu í gistingu og afþreyingu. Verðið er auðvitað án eldsneytis og matvæla. En Skemmtilegakortið er hægt að nýta áfram. Fjölskylda sem hyggst frekar nota veiðikortið, hjón með tvö börn 15 og 12 ára, þurfa að kaupa 3 kort fyrir 6.000, samtals 18.000 kr og geta gist frítt meðfram vötnunum og ferðast þannig í kringum landið. Ásamt ferð þeirra í Bláa lónið án Skemmtilegakortsins myndi það kosta fjölskylduna 14.100 kr. og væri því ferðalag þeirra með gistingu og afþreyingu á 32.100 kr.///////Það er kannski gott að hafa tilboð, og svo framvegis,en þetta svo almennt skrítið að geta boðið tveir fyrir einn af stórum hluta!!! það synir að þetta verðlag er komið úr böndum? það er svo að ef þetta er hægt þvi ekki bara lækka svo fólk fari heldur um landið sitt en að fara erlendis???Þetta er að verða svona Púngtar og svona tilboð eru að fylla allar auglýsingar um ferðir og svo framvegis,það er svo að fólk þarf að liggja yfir þessu til að fá hlutina ódyrari,ég persónulega erá móti þessu,magnafsláttur hefur alltaf tískast en þetta er að vara óþolandi að manni finnst!!!!!/Halli gamli

Afslættir á ferðalögum innanlands