Forbes-listinn: Tiger ekki lengur tekjuhæstur/Þetta eru svimandi tölur!!!!

Forbes-listinn: Tiger ekki lengur tekjuhæstur Íþróttir | mbl.is | 19.6.2012 | 15:00 Hnefaleikakappinn Floyd Mayweather Jr. er tekjuhæstur allra íþróttamanna en tímaritið Forbes birti í dag árlegan lista sinn yfir 100 tekjuhæstu íþróttamenn síðustu tólf mánaða. Mayweather rakaði inn 85 milljónum dollara á þessum tíma eða því sem nemur ríflega 10,5 milljörðum íslenskra króna. Hann barðist tvívegis á síðustu tólf mánuðum og vann báða bardagana en Mayweather hefur aldrei tapað á sínum atvinnumannaferli. Mayweather fær tekjur fyrir að vinna bardagana en hann græðir þó mest á því að að kynna sína eigin bardaga í gegnum fyrirtækið sitt, Mayweather Promotions. Þannig fær Mayweather skerf af miðasölu, sjónvarpstekjum og peninga frá styrktaraðlum hvers bardaga. Tiger er ekki lengur efstur en á þó fyrir salti í grautinn. AFP Woods ekki lengur efstur Annar hnefaleikakappi, Manny Pacquiao, er í öðru sæti en hann þénaði tæplega 8,8 milljarða króna á síðasta ári. Báðir koma þeir á undan Tiger Woods sem fellur úr efsta sætinu sem hann hefur setið í síðan 2001. Tiger þarf þó lítið að kvarta þar sem hann þénaði tæpa 7,5 milljarða króna á síðasta ári þrátt fyrir að gera afar lítið á vellinum. LeBron James er efstur af körfuboltamönnum NBA-deildarinnar en laun þeirra alla minnkuðu um 20 prósent þar sem deildin hófst ekki fyrr en í desember. Hann og Kobe Bryant eru báðir á lista yfir tíu efstu. Amerískur fótbolti með fleiri en knattspyrnan Engin íþrótt á fleiri fulltrúa á listanum yfir efstu 100 tekjuhæstu íþróttamennina en amerískur fótbolti en 30 leikmenn úr NFL-deildinni komast á listann. Aðeins einn er þó á meðal efstu tíu en það er leikstjórnandi Denver Broncos, Peyton Manning, sem spilaði þó ekkert á síðasta tímabili með Indianapolis Colts vegna meiðsla. Sharapova var nýbakaður meistari á opna franska meistaramótinu. AFP Tekjuhæsti knattspyrnumaðurinn er að vanda David Beckham, leikmaður Los Angeles Galaxy, en auk þess að hafa verið á síðasta ári risasamnings síns hjá liðinu eru tekjur hans fyrir auglýsingar gríðarlegar. Næstur kemur Cristiano Ronaldo. Konur í miklum minnihluta Íþróttamennirnir 100 koma úr ellefu íþróttagreinum en þar má finna tvo krikket-spilara og eina frjálsíþróttastjörnu, spretthlauparann Usain Bolt. Þessir 100 þénuðu samtals 2,6 milljarða dollara á síðustu tólf mánuðum eða því sem nemur 326 milljörðum íslenskra króna. Konur eru í miklum minnihluta á listanum en aðeins tvær konur eru á topp 100. Tennisdrottningin Maria Sharapova er í 26. sæti en tekjur hennar námu 27,9 milljónum dollara á síðustu tólf mánuðum eða því sem nemur 3,5 milljörðum íslenskra króna. Önnur tenniskona, Li Na, er svo nr. 81 á listanum með 18,4 milljónir dollara í tekjur á síðustu tólf mánuðum eða samtals 2,3 milljarða króna.

Hér má sjá listann í heild sinni. Topp tíu: 1. Floyd Mayweather, hnefaleikar - 10,7 milljarðar króna 2. Manny Pacquiao, hnefaleikar - 7,8 milljarðar 3. Tiger Woods, golf - 7,5 milljarðar 4. Lebron James, körfubolti - 6,7 milljarðar 5. Roger Federer, tennis - 6,6 milljarðar 6. Kobe Bryant, körfubolti - 6,5 milljarðar 7. Phil Mickelson, golf - 6 milljarðar 8. David Beckham, fótbolti - 5,8 milljarðar 9. Cristiano Ronaldo, fótbolti - 5,3 milljarðar 10. Peyton Manning, amerískur fótbolti - 5,3 milljarðar//////Þetta eru svimandi upphæðir og það segir okkur hvernig þessi vitleysa er orðin að mati flestra!!!Þetta er ekki íþróttalegt að manni finnst þetta eru bara öfgar og ekkert annað//Halli gamli

Forbes-listinn: Tiger ekki lengur tekjuhæstur