Tiger fyrstur til að vinna þrjú PGA-mót í ár////Flottur komin á krið aftur karlin!!!

Tiger fyrstur til að vinna þrjú PGA-mót í ár Íþróttir | mbl.is | 1.7.2012 | 22:48 Tiger Woods var rétt í þessu að tryggja sér sigurinn á AT&T-mótinu á Congressional-vellinum í Maryland en hann fór lokahringinn á tveimur undir pari. Tiger háði mikla baráttu á lokahringnum við Bo Van Pelt. Mótið er hluti af PGA-mótaröðinni. Tiger og Bo Van Pelt voru jafnir á átta undir pari eftir ellefu holur og eltu hvorn annan eftir það. Þeir fengu báðir par á 12., 13. og 14. og svo báðir fugl á 15. holunni. Á 16. holunni fengu bæði Tiger og Bo Van Pelt skolla en það var á næstsíðustu holunni sem leiðir skildu. Van Pelt fékk þá annan sk ollann í röð á meðan Tiger náði pari og var því kominn með eins högg forustu á átta undir pari. Á lokaholunni átti Bo Van Pelt slæmt annað högg þar sem hann komst ekki inn á flötina. Tiger, sem sýndi mikinn kjark á 18. holunni, gerði sér lítið fyrir og negldi kúluna þrjá metra frá pinna og tryggði sér parið og sigurinn með tveimur púttum. Tiger lauk keppni á 276 höggum eða átta undir pari en Bo Van Pelt, sem fékk skolla á lokaholunni, fór hringina fjóra á 278 höggum eða sex undir pari. Ástralinn Adam Scott varð þriðji á fimm undir pari. Tiger er fyrsti maðurinn til að vinna þrjú PGA-mót í röð á þessu ári en hann hann vann boðsmót Arnold Palmer í vor og svo Memorial-mótið sem önnur goðsögn, Jack Nicklaus, heldur, í byrjun júní. Þetta er 74. sigur Tiger Woods á PGA-mótaröðinni og er hann nú einn í öðru sætinu yfir flesta sigra á eftir Sam Snead sem vann 82 sigra á sínum ferli. Jack Nicklaus vann 73 sigra á PGA-mótaröðinni.///////Þetta gaman að þessi umdeildi snillingur ,skuli vera að ná sér á strik aftur ekki spurning, að hann er það,og vonandi gengur vel áfram/Halli gamli

Tiger fyrstur til að vinna þrjú PGA-mót í ár