Ódýrast að ferðast til Tékklands/////Þetta er athugavert mjög að skoða!!!!!!

Ódýrast að ferðast til Tékklands
Viðskipti | mbl.is | 3.7.2012 | 15:51
Ísland er áttunda dýrasta land Evrópu sé litið til helstu útgjaldaliða heimilisins samkvæmt markaðspunktum greiningardeildar Arion banka. Er Ísland 14% dýrara en meðaltal Evrópusambandsríkjanna út frá reiknuðum verðlagsmuni.

Til að reikna út verðlagsmun milli landa er gert ráð fyrir að öll ríki hafi sama kaupmátt, eða eins og greiningardeildin segir: „Fyrst er eins konar tilbúið gengi reiknað á milli landa með því að gera ráð fyrir að allar myntir hafi sama kaupmátt (þetta er kallað kaupmáttarjafnvægi mynta, PPP). Ef hamborgari kostar til dæmis 1000 krónur á Íslandi en 5 pund í Bretlandi þá ætti gengi myntanna að vera 200 krónur fyrir pundið miðað við kaupmáttarjafnvægi – borgarinn kostar það sama í báðum löndunum.“ Með þessari aðferð má sjá að Ísland er í þriðja sæti hvað varðar verð á fatnaði, áfengi og tóbaki, en í tíunda sæti með verð á matvöru.

Greiningardeildin setti einnig upp sumarleyfisvísitölu þar sem nokkrir undirflokkar eins og gisting og veitingahús fengu meira vægi en önnur matvara og tóbak fengu minna. Voru skoðaðir vinsælir áfangastaðir íslenskra flugfélaga og kom þá út að Tékkland er ódýrasta landið til að ferðast til en Noregur það dýrasta./////////Þetta er merkilegt að skoða að Norðmenn skuli vera dýrastir og Tékkar ódýrari við eigum að skoða þetta með meiri áhuga og fara þarna ,ekki spurning !!þetta munar svo miklu að það hálfa væri nóg//Halli gamli

Ódýrast að ferðast til Tékklands

Athugasemdir

[Ásthildur Cesil Þórðardóttir, 3.7.2012 kl. 17:30]

Praga er ótrúlega falleg borg og það er virkilega gaman að ferðast um Tékkland.  Við fórum þangað frá Danmörku hjónin  með börnunum okkar, leigðum okkur bílaleigubíl.  Við fórum svo um sveitirnar og þar var ekki töluð enska og matseðlarnir voru allir á Tékknesku.  Mig langaði í kjúkling og reyndi að gagga fyrir mateljuna.  Hahahaha... niðurstaðan varð sú að við fengum froskalappir í matinn.  uppgötvaði þá að gva gva er meira svona froskamál.