Borgarbúum gert að bæta flokkun sorps////Þetta mjög gott að gera !!!!!!!

Borgarbúum gert að bæta flokkun sorps
Innlent | mbl.is | 5.7.2012 | 15:53
Borgarráð samþykkti í dag tillögu umhverfis- og samgönguráðs um stóraukna flokkun og hirðingu pappírsefna og skilaskyldra umbúða. Frá og með 1. október mun ekki verða leyft að setja pappírsefni og skilaskyldar umbúðir með í ílát fyrir almennt heimilissorp.

„Í haust mun Reykjavíkurborg stórefla almenna flokkun á pappírsefnum frá heimilissorpi líkt og hin sveitarfélögin á höfuðborgarsvæðinu. Pappír er verðmætt endurvinnsluefni og með því að flokka hann frá almennu heimilissorpi sparar Reykjavíkurborg um 43 milljónir í móttökugjöldum vegna urðunar á blönduðu sorpi.   

Íbúar eru ennfremur hvattir til að setja málma, t.a.m. niðursuðudósir, álpappír og annan málm er til fellur á heimilum lausan í tunnu fyrir almennt heimilissorp. Sorpa hefur náð frábærum árangri í að flokka málma frá blönduðu sorpi með vélum. Enn betri árangur næst ef íbúar setja málminn lausan í tunnuna en ekki í poka.

Aðalbreytingin á sorphirðu í Reykjavík felst í því að ekki má lengur að setja pappír og  umbúðir með skilagjaldi í almennt heimilissorp.

Íbúar kannast vel við slíkt fyrirkomulag því ekki hefur verið leyfilegt að setja garðaúrgang, grófan úrgang, rafhlöður og önnur spilliefni í tunnur fyrir almennt heimilissorp í áratugi og hefur sorphirðan fylgst með því að farið sé eftir þeim reglum. Nú bætast pappírsefnin og skilagjaldsumbúðir einfaldlega við.

Íbúar munu fá góðlátlegar viðvaranir í fyrstu fjögur skiptin ef pappírsefni eða skilagjaldsumbúðir eru ekki flokkaðar frá en síðan kemur óhjákvæmilega að því að tunnan verður skilin eftir óhirt rétt eins og verið hefur varðandi önnur efni sem ekki mega fara í heimilissorpið. Verður þá að greiða sérstaklega fyrir aukaferð til losunar.

Á meðan breytingarnar ganga yfir munu íbúar fá nákvæmar leiðbeiningar um það hvernig staðið skuli að flokkun pappírs frá almennu heimilissorpi og eru Reykvíkingar hvattir til þess að kynna sér þær vel,“ segir tilkynningu frá Reykjavíkurborg.///////Við verum að taka vel við þessu !!!og bjarga þessu sem er nýtanlegt ,einnig sitja sér eiturefni og svo framvegis ,þetta er gott að gera í svona áföngum,og svo bara gleyma skrefagjaldinu,en byggingarsamþykkt tekin í gegn ,allt vill lagið hafa og það bara gott/Halli gamli

Borgarbúum gert að bæta flokkun sorps

Athugasemdir

[Jóhannes (IP-tala skráð) 5.7.2012 kl. 18:49]

Ég mun halda áfram að henda dagblöðum og fjölpósti í sorptunnuna því endurvinnslugámurinn fyrir pappír er einhver staðar lengs í burtu frá mér.

Ef borgin ætlar svo að vera með vesen við mig þá hendi ég þessu bara í tunnuna hjá nágrannanum.