Alvarlegt slys á Bestu útihátíðinni///má ekki kalla hana bestu??????

Alvarlegt slys á Bestu útihátíðinni
Innlent | mbl.is | 7.7.2012 | 2:08
Karlmaður var fluttur á slysadeild Landspítalans í Fossvogi eftir alvarlegt slys á Bestu útihátíðinni. Engar upplýsingar fást um líðan mannsins að svo stöddu frá Landspítalanum eða lögreglunni á Hvolsvelli en frá Landhelgisgæslu Íslands fékkst staðfest að um væri að ræða alvarlega áverka.

Atvik eru enn nokkuð óljós en samkvæmt heimildum mbl.is mun maðurinn hafa tekið þátt í litboltaleik (e. paintball). Í slíkum leik eru notaðar byssur sem ganga fyrir gasi. Í þessu tilviki virðist sem gashylkið hafi sprungið með þeim afleiðingum að maðurinn brenndist illa.

Þá þegar var ljóst að um alvarlegt slys var að ræða og því haft samband við Landhelgisgæsluna og óskað eftir þyrlu til að flytja manninn á sjúkrahús. Sú ósk var síðar afturkölluð þar sem sjúkrabifreið var snögglega komin á vettvang og talið að styttri tíma tæki að flytja manninn með henni á Landspítalann.

Þegar leitað var upplýsinga á Landspítalanum fengust þær upplýsingar að engar upplýsingar yrðu gefnar í nótt um líðan mannsins.///////Við skulum bara vona það besta!!! annað ekki hægt!! hefi ekki heyrt um þennan leik áður hlýtur að bjóða hættunni heim,en svona skeður þetta, óvænt og verður eflaust skoðað vel að viðkomandi!!!!/Halli gamli

Alvarlegt slys á Bestu útihátíðinni

Athugasemdir

[Ægir Þór Þórsson (IP-tala skráð) 7.7.2012 kl. 12:10]

Þótt ótrúlegt megi virðast þá er þetta nokkuð algengt... Þarna hefur líklega verið búið að setja olíu á staðinn þar sem fyllt er á þrýstihylkið. Olían fer svo inn í hylkið þar sem þrýstingurinn getur náð allt að 4500 psi. Við það springur olían hreinlega eins og í díselvél sem orsakar sprenginguna.