Verðlaunaðir fyrir lausn evru-kreppunnar//// þetta lýst mér vel á og þarft mjög!!!!

Verðlaunaðir fyrir lausn evru-kreppunnar
Viðskipti | mbl.is | 9.7.2012 | 13:01
Hópur hagfræðinga undir forystu Roger Bootle, hagfræðings hjá ráðgjafarfyrirtækinu Capital Economics, hefur verið verðlaunaður fyrir að koma með trúverðuga lausn á því hvernig lönd geti yfirgefið evrusamstarfið. Verðlaunaféð er 250 þúsund pund eða 50 milljónir króna.

Það var breski kaupsýslumaðurinn Wolfson lávarður, eigandi Next, sem efndi til samkeppninnar í nóvember á síðasta ári og lagði fram verðlaunaféð. Hann vildi hvetja til þess að menn kæmu fram með trúverðuga lausn á skuldakreppu evrulandanna.

Tillaga hagfræðinganna gerir ráð fyrir að lönd sem yfirgefa evruna taki upp nýjan gjaldmiðil og að stór hluti skuldanna verði afskrifaður. Gert er ráð fyrir að tillögurnar leiði til hagvaxtar.  Áætlun þeirra gera einnig ráð fyrir að heimilt verði að eiga takmörkuð viðskipti með evrur í stuttan tíma fyrst eftir gjaldmiðilsskiptin. Ennfremur er gert ráð fyrir aðgerðum til að koma í veg fyrir verðbólgu og ströngu aðhaldi í ríkisfjármálum.

Roger Bootle hagfræðingur.

Tillagan gerir ráð fyrir að einum mánuði áður en gjaldmiðilsskiptin eru tilkynnt opinberlega  komi embættismenn saman til að undirbúa aðgerðirnar. Þremur dögum fyrir tilkynninguna verði samstarfsþjóðir í Evrópu og alþjóðlegar stofnanir upplýstar um hvað sé í vændum.

Hópurinn kemst að þeirri niðurstöðu að það muni ekki allir hagnast á þessari lausn, en þegar á heildina sé litið muni hún hafa jákvæð áhrif og leggja grunn að frekari vexti.

Dómnefnd segir um tillöguna að hún feli í sér trúverðuga lausn við vandamálum sem stjórnvöld í evrulöndunum standi frammi fyrir.

Á vefnum policyexchange.org.uker hægt að lesa nánar um tillöguna og skoða viðtöl við Roger Bootle.

Frétt BBC um verðlaunin//////////Þetta er frábær laustn á þessum málum við fyrstu sín að  það ber skoða þetta vel og vendilega og þarna er búið að finna viðeigandi aðferð að lostna út úr þessum vanda,ég bara segi ekki meira að sinni//Halli gamli

Verðlaunaðir fyrir lausn evru-kreppunnar

Athugasemdir

[Guðmundur Ásgeirsson, 9.7.2012 kl. 21:39]

Einfaldasta lausnin er auðvitað bara að loka evrópska seðlabankanum og leggja hann niður. Við lifðum flest þokkalegu lífi áður en hann var stofnaður.