Framboðin sátu ekki við sama borð/Ekki gott fyrir grasrótina,als ekki!!!

Framboðin sátu ekki við sama borð Innlent | mbl.is | 31.7.2012 | 12:13 „Engin heilvita stjórn boðar til 
aðalfundar sólarhring áður en Húkkaraballið hefst og þjóðhátíð er sett í Eyjum,“ segir Heimir Hannesson sem 
hafði boðað formannsframboð í Heimdalli en hætti við á síðustu stundu. Í yfirlýsingu sem hann sendi frá sér í dag segir m.a. að aðalfundur hafi verið boðaður með alltof stuttum fyrirvara og á óhentugum tíma og að skrifstofa Sjálfstæðisflokksins hafi verið lokuð og því ómögulegt að koma þangað nýskráningum. Þá hafi félagatal sem framboðið fékk afhent verið ólæsilegt.

„Framboð mitt fékk veður af því að nú styttist í boðun aðalfundar, þótt við vissum ekki hvenær hann yrði settur. Leyndin var slík yfir fundinum að boðun aðalfundar var ekki sett á dagskrá stjórnarinnar, enda er ljóst að sitjandi formaður telur sig ekki geta treyst núverandi stjórn sinni, en meðal stjórnarmanna eru stuðningsmenn mínir.

Fundurinn var boðaður hinn 25. júlí, og átti að halda fundinn á morgun, 1. ágúst. Engin heilvita stjórn boðar til aðalfundar sólarhring áður en Húkkaraballið hefst og þjóðhátíð er sett í Eyjum, tveimur sólarhringum fyrir verslunarmannahelgi. Þessi dagsetning var að sjálfsögðu sett mér og mínu stóra framboði til höfuðs,“ skrifar Heimir m.a. Yfirlýsing Heimis Hannessonar í heild fer hér á eftir: „Almenningur á Íslandi hefur ekki farið varhluta af átökum innan ungliðastarfs Sjálfstæðisflokksins undanfarin ár, og ekkert lát virðist nú vera á bolabrögðum og óheiðarleika í þeim röðum. Fyrir stuttu tilkynnti ég í fjölmiðlum framboð mitt til formanns Heimdallar. Reyndar er það svo að ég hafði áður hitt sitjandi formann og rætt við hann um væntanlegt framboð mitt gegn honum. Snemma í síðustu viku dró til tíðinda.

Framboð mitt fékk veður af því að nú styttist í boðun aðalfundar, þótt við vissum ekki hvenær hann yrði settur. Leyndin var slík yfir fundinum að boðun aðalfundar var ekki sett á dagskrá stjórnarinnar, enda er ljóst að sitjandi formaður telur sig ekki geta treyst núverandi stjórn sinni, en meðal stjórnarmanna eru stuðningsmenn mínir.

Fundurinn var boðaður hinn 25. júlí, og átti að halda fundinn á morgun, 1. ágúst. Engin heilvita stjórn boðar til aðalfundar sólarhring áður en Húkkaraballið hefst og þjóðhátíð er sett í Eyjum, tveimur sólarhringum fyrir verslunarmannahelgi. Þessi dagsetning var að sjálfsögðu sett mér og mínu stóra framboði til höfuðs.

Þegar við höfðum þó tekið ákvörðun um að una þessari fáránlegri dagsetningu og taka slaginn fór strax að verða ljóst hvernig þessi vika yrði. Valhöll, skrifstofa Sjálfstæðisflokksins - sem ætti undir öllum venjulegum kringumstæðum að þjónusta framboðin - er lokuð og læst. Það þýðir að fullkomin óvissa var í upphafi vikunnar um hvort og þá hvernig nýskráningar yrðu afgreiddar í flokknum.

Eins reyndist ógjörningur að nálgast eðlileg kjörgögn, og það var ekki fyrr en annar varaformaður flokksins, Kristján Þór Júlíusson, skarst í leikinn sem við fengum aðgang að félagatali Heimdallar - en það var þó tryggilega séð til þess að það félagatal sem við fengum afhent var ólæsilegt.

Ég get fullyrt með vissu að þarna sátu framboðin ekki við sama borð. Aðrir forystumenn flokksins en Kristján Þór Júlíusson höfðu nákvæmlega engan áhuga á að jafna þennan aðstöðumun framboðanna.

Ég gæti til dæmis nefnt Jónmund Guðmarsson, framkvæmdastjóra Sjálfstæðisflokksins, sem sýnt hefur það í þessu og öðrum verkum að maðurinn er ekki starfi sínu vaxinn, en hann gerði okkur meðal annars erfitt fyrir að fá eðlileg kjörgögn afhent. Það er með þessum hætti sem kosningasvik eru framin úti í hinum stóra heimi - ekki er tryggt að framboð búi við sömu aðstæður. Hræsnin virðist algjör hjá mörgum þessara ágætu sjálfstæðismanna, sem leyfa sér að gagnrýna framkvæmd kosninganna til stjórnlagaráðs - en geta sjálfir ekki gert betur en þetta.

Kúltúrinn sem virðist fá að lifa og dafna innan ungliðahreyfingarinnar er, svo vægt sé til orða tekið, óheilbrigður. Óvægnar persónuárásir eru daglegt brauð sem sýndi sig í þeim fjölmörgu símtölum sem ég fékk eftir að hafa lýst yfir framboði mínu þar sem ég var beinlínis varaður við því að reynt yrði að eyðileggja mannorð mitt, draga nafn mitt í leðjuslagi og dæmin sem nefnd voru þeim málflutningi til stuðnings eru ekki falleg.

Ekki leið á löngu þar til amx.is birti „fuglahvísl“ um mig, en systir ritstjóra amx var einmitt í framboði Áslaugar Örnu Sigurbjörnsdóttur. Sá ágæti miðill gerði mönnum það ljóst að ég hafði eitt sinn stutt aðildarviðræður Íslands við Evrópusambandið og gerði skóna að því að framboð mitt væri framboð Evrópusinna. Reyndin var hins vegar sú að mínir dyggustu stuðningsmenn eru og hafa alltaf verið svarnir andstæðingar Evrópusambandsaðildar og verið í fararbroddi Heimssýnar, Ísafoldar og annarra álíka félaga.

Ég hefði nú haldið að „stórfréttin“ lægi í því að þessir ágætu Evrópuandstæðingar væru með mér í liði, en ekki að fyrrverandi ESB-talsmaður væri starfandi innan Sjálfstæðisflokksins.

Reyndar er það svo, og hefur alltaf verið mín vinnuregla, að ef maður er með amx.is með sér í liði er maður í röngu liði. Það var því eingöngu lofsöngur í mín eyru að heyra að ég væri ekki ákjósanlegur kostur amx.is.

Sá hópur sem ég var að kljást við er sami hópurinn og flaug með fokker á Ísafjörð fyrir þremur árum og þverbraut lög Heimdallar og fleiri aðildarfélaga í aðdraganda síðasta SUS-þings í Hveragerði í fyrra. Sá hópur sem starfar með mér hefur aftur á móti viljað innleiða ný vinnubrögð í starf ungliðahreyfingarinnar – skapa umhverfi þar sem allir hægrimenn eru velkomnir og þar sem mannorðsmorð og aðrar grófar persónuárásir fá ekki þrifist.

Það var því ákvörðun framboðsins að veita komandi aðalfundi Heimdallar, félags ungra sjálfstæðismanna í Reykjavík, ekki þann óverðskuldaða trúverðugleika að taka þátt í honum, og dró ég því formannsframboð mitt til baka og fylgdi stjórnarframboðið sem mig studdi.

Undanfarin vika hefur þó verið frábær. Allir sem áhuga hafa á stjórnmálum og ungliðastarfi ættu að hafa gaman af kosningavikum. Mörg hundruð manns litu inn í kosningamiðstöðina okkar, sem setti heilmikinn lit á vikuna. Stórar og veglegar veislur voru haldnar og geng ég, mínir meðframbjóðendur og hundruð stuðningsmanna minna frá þessari kosningabaráttu vonsvikin – en með bros á vör.

Enn fremur er vert að taka fram að okkar hópur er hvergi nærri hættur og mun taka virkan þátt í starfi Sjálfstæðisflokksins á komandi ári, þótt starf á vettvangi SUS og Heimdallar verði líklega látið eiga sig. Framundan er kosningaár og gríðarlega mikilvægt að flokkurinn leggi í þann slag með sem breiðastan hóp stuðningsmanna, sérstaklega í hópi ungra hér í Reykjavík.

Þótt hann virðist ekki hafa höfðað sérstaklega vel til þess hóps undanfarin ár. Því þarf að breyta! Að lokum vill ég óska Áslaugu Örnu, sem enn og aftur verður sjálfkjörin á aðalfundi félagsins á morgun, til hamingju með embættið og óska henni velfarnaðar í starfi á komandi ári.“///////Það er kannski bara skiljanlegt að unga fókið ein og við hinir tökumst á,og vel það en það ber samt að skoða þetta vel við viljum auðvitað að allir hafi skoðanir en að sættst ekki og láta elítuna ráða þarna er ekki gott,ég hefði haldið eins og ég hefi skilið að við ættluðum að þjappa flokkun saman ekki sundur, til þessa var vinur minn Kristján Þór settur í ferð um landið okkar,og að mínu álti tóks vel,en þetta með valdið í Valhöll er oft sértakt og við ekki öll sátt með það als ekki,en grasrótin er það sem við tekur og við eigum að taka á henni mark,ég hvat Formann og Varformann og varavarformann til að taka til i þessum málum!!/Halli gamli

Framboðin sátu ekki við sama borð