Skítlegt frumkvæði/En hefur gefist mjög vel,og það bara gott!!!

Skítlegt frumkvæði Viðskipti | mbl | 3.8.2012 | 16:57 Árið 2004 ákváðu nokkrir félagar að efna til keppni í greininni um verslunarmannahelgina til að skemmta sér og öðrum.

Siðan eru liðin átta ár og skráðir þátttakendur eru á bilinu 1.100 til 1.200 í ár auk þess sem fjöldi fólks kemur til að horfa upp á drullumallið meðan verslun og þjónusta blómstrar yfir helgina. Oft veltir lítil þúfa þungu hlassi og það má með sanni segja að það eigi við um mýrarboltahátíðina á Ísafirði. Árið 2004 ákváðu nokkrir félagar að efna til keppni í greininni um verslunarmannahelgina til að skemmta sér og öðrum.

Áður höfðu þeir komist í tæri við þetta í Finnlandi og líkað svona vel við að ákveðið var að koma af stað móti fyrir vestan. Síðan eru liðin átta ár og skráðir þátttakendur eru á bilinu 1.100 til 1.200 í ár auk þess sem fjöldi fólks kemur til að horfa upp á drullumallið. Eykur verslun í bænum Verslun og þjónusta á svæðinu hefur ekki farið varhluta af þessari hátíð og voru viðmælendur mbl.is allir sammála um að helgin væri orðin gífurleg lyftistöng fyrir atvinnulífið á Ísafirði og í kring. Eyþór Jóvinsson, eigandi Veztfirsku verslunarinnar, hafði það á orði að salan yfir þessa þrjá daga jafnaðist á við venjulegan mánuð.

Þetta væri því frábær viðbót við aðra viðburði eins og páskahelgina og bætti rekstur verslana heilmikið. Mýrarbolti mbl.is Gísli Úlfarsson, verslunarmaður í Hamraborg, tók í sama streng og sagði að helgin hefði breyst úr því að vera rólegasta helgi ársins yfir í að vera eins sú stærsta. Sagði hann þetta „helgi sem í gamla daga, þegar ég var yngri, hafi ekkert verið að gera á þar sem fólk var ekki á svæðinu. Nú er þetta allavega tvöföld góð helgi“ í sölu. Þetta skipti því mjög miklu máli fyrir alla verslun og ynni upp rólega mánuði.

Sagði Gísli þetta t.a.m. mun drýgra en þegar ferðamenn af skemmtiferðaskipum kæmu í bæinn þar sem Íslendingar leyfðu sér oft meiri útgjöld þegar þeir ferðuðust. Ferðamenn eyddu að öllu jöfnu ekki eins miklum peningum aukalega, þótt það skipti auðvitað máli líka. Tók Gísli sérstaklega fram hve gaman væri að sjá hversu vel hátíðin hefði farið fram hingað til, það hefði aldrei komið til neinna leiðinda og fólk væri mjög sátt við helgina. Mýrarbolti er ekki sérlega hreinleg íþrótt. mbl.is/Guðmundur Karl „Við fórum bara af stað“ Í samtali við Jóhann Bæring Gunnarsson og Jón Pál Hreinsson, tvo af skipuleggjendum hátíðarinnar, sögðust þeir ekki hafa gert sér grein fyrir því hvað þetta ætti eftir að stækka mikið. Þetta hefði fyrst og fremst átt að vera skemmtun sem hefði svo undið svona upp á sig og í dag fengju þeir þakkir fyrir frá sölu- og þjónustuaðilum fyrir framtakið, þótt aukin verslun og ferðamannastraumur hefði aldrei verið markmið hjá þeim.

En það eru ekki bara verslanir sem hagnast á þessu framtaki þeirra vina, íþróttadeildir og björgunarsveitin fá töluverðar tekjur yfir helgina. Segja þeir Jóhann og Jón að t.d. sundfélagið, björgunarsveitin, fótboltafélög og handboltadeild íþróttafélaganna sjái um gæslu, þrif og fleira í umgjörð hátíðarinnar og fái af því tekjur.

Aðspurður hvernig þetta hefði verið sett upp til að byrja með og hvort skipulagið hefði verið mikið í upphafi sagði Jóhann svo ekki vera, „við fórum bara af stað, þetta gerðist“. Mikið vatn sé runnið til sjávar. Upphaflega þurftu þeir félagar að borga aðeins með rekstrinum en hátíðin hefði síðan staðið undir sér. Hann sagði hátíðina þó ekki rekna í hagnaðarskyni og eini hagnaðurinn væri í formi tekna fyrir íþróttafélögin og rekstraraðila í bænum.

Nokkuð víst er að þótt ætlun þeirra vina hafi aldrei verið að hrinda af stað einni stærstu ferðamanna- og verslunarhelgi Ísafjarðar hafa þeir með frumkvæði sínu eflt bæjarlífið og búið til heilmikla innspýtingu fyrir verslun og þjónustu auk þess að vekja mikla athygli á Vestfjörðum í heild. Félagarnir hafa heldur ekki ákveðið að hægja ferðina og gera ráð fyrir að hátíðin stækki enn á komandi árum./////Verð að viðurkenna að þetta hefur tekist vel, þarna þó skítlegt sé,svona frumkvæði gerir oft mjög gott!!! eins og þarna sínir,þessir drengir geta bara verið stoltir og ,það bara sínir sig auðveldlega að það er margt hægt að gera sem blífar vel/Halli gamli

Skítlegt frumkvæði