25 stiga hiti og fer hlýnandi/Þetta flott en kannski einum of,að margra mati!!

25 stiga hiti og fer hlýnandi Innlent | mbl.is | 9.8.2012 | 11:01 Mikil hlýindi eru á Austurlandi og um tíuleytið í morgun var hitinn kominn í 25,4 stig í Neskaupstað, 25,3 stig á Kollaleiru í botni Reyðarfjarðar og 24,6 stig á Seyðisfirði.

Að sögn veðurfræðings má búast við enn meiri hlýindum á Austurlandi um miðjan dag þegar sólin er hæst á lofti. Þau gerast vart meiri hlýindin á landinu, segir Einar Sveinbjörnsson á bloggi sínu á mbl.is í morgun.

Þá upplýsir Einar að hitinn hafi farið í 23 stig á Dalatanga í snarpri vestangolu í stutta stund á milli kl. tvö og þrjú síðastliðna nótt. Lægsti hiti sem mældist á Akureyri í nótt var 17,5 stig á miðnætti. Þar var hitinn kominn í 21,3 stig klukkan 10 í morgun. Jafnframt er hlýtt víða á Norðurlandi en þar er hins vegar mikill vindhraði.

Á Holtavörðuheiði er stormur og vindhraði 23 metrar á sekúndu. Þorsteinn V. Jónsson, veðurfræðingur hjá Veðurstofu Íslands, varar fólk við að vera á ferð með tengivagna á Norðurlandi og á Vestfjörðum þar sem hvassast er

. „Það verður hlýtt í dag og á morgun norðan- og austanlands. Að vísu fylgir þessu nokkur vindur og búast má við einhverju sandfoki. Jafnframt verður nokkur vindur á Vestur- og Norðvesturlandi. Búast má við því að það lægi með kvöldinu.

Það er rétt að vara fólk við því að vera á ferð með tengivagna á þessum stöðum þar sem vindur er mikill. Við fengum tilkynningu áðan frá manni sem var fastur við Bifröst á bíl með tengivagni. Hann var á leið norður,“ segir Þorsteinn. Súldarloft verður á Suður- og Suðvesturlandi að sögn Þorsteins en nokkuð hlýtt í veðri. „Það verður hlýtt um allt land fram í næstu viku.

Sérstaklega á Norður- og Austurlandi þar sem einhver sól gæti skinið inni á milli,“ segir Þorsteinn. Hitamet á Íslandi var sett á Teigarhorni 22. júní árið 1939 og var 30,5 stig./////Það er fínt að fá gott veður, og hita mátulegan,en ekki um of sértaklega ef um að að ræða logn"!!! en þetta er svolítið misjafnt að mínu mati mestur hitinn er á Norðausturlandi og Austfjörðum en vindasamt og víða rigning annarstaðar,en samt hlítt ,að er bara gott að háinn sprettur ekki veitir af í heyleysinu/Halli gamli

25 stiga hiti og fer hlýnandi