18 ásakanir um kynferðisafbrot/Eru ekki öll kyferðisafbrot Lögreglumál bara, eða sakamál???

18 ásakanir um kynferðisafbrot Innlent | mbl.is | 9.8.2012 | 17:08 Fagráð um meðferð kynferðisafbrota innan íslensku þjóðkirkjunnar hefur nú skilað af sér skýrslu fyrir árið 2011. Í skýrslunni kemur fram að á árinu hafi ráðið tekið á móti og unnið með tilkynningar um kynferðisafbrot er varða fjóra einstaklinga sem hafa verið í þjónustu á vegum kirkjunnar. Frá upphafi starfs síns hefur fagráðið því sinnt erindum sem varða ásakanir um kynferðisafbrot á hendur 18 einstaklingum sem hafa verið í þjónustu á vegum kirkjunnar.

Í þremur þessara 18 tilvika hefur fagráði borist fleiri en ein ásökun á hendur sama aðila. Af málum þessara 18 einstaklinga voru 7 tilkynnt fagráði innan 10 ára frá því þau áttu sér stað og 4 þeirra innan 5 ára. Af öðrum málum eru fjórar tilkynningar sem varða brot sem áttu sér stað 11-20 árum áður en viðkomandi leitar til fagráðs en önnur mál eru enn eldri.

„Við verðum að halda utan um tölulegan raunveruleika og halda þessum málum uppi sem viðfangi sem er í sífelldri vinnslu ... mbl.is Í 8 tilvikum voru þeir einstaklingar sem kvörtun beindist gegn í þjónustu kirkjunnar þegar þolendur leituðu til fagráðs. Í tveimur tilvikum hafa einstaklingar látið af þjónustu í kjölfar vinnslu máls og í einu tilviki var sú fyrirhugaða ákvörðun dregin til baka að viðkomandi kæmi til tímabundinnar afleysingarþjónustu, eins og segir í skýrslunni.

Tekur á öllum málum sem til ráðsins berast „Ráðið leitast við að auka upplýsingaflæði án þess að tjá sig um einstök mál,“ segir Gunnar Rúnar Matthíasson formaður fagráðsins. „Við gætum þess að láta ekki frá okkur upplýsingar sem gætu auðkennt hvert mál fyrir sig, en þeir sem til okkar koma hafa að sjálfsögðu allt frelsi til að tjá sig um málin, kjósi þau að gera svo,“ segir Gunnar Rúnar. „Við áréttum þetta í hvert skipti til að fólki finni sig ekki bundið trúnaði við okkur, því það er alls ekki raunin,“ bætir hann við. „Við verðum að halda utan um tölulegan raunveruleika og halda þessum málum uppi sem viðfangi sem er í sífelldri vinnslu og takast á við eftir því sem nokkur kostur er,“ segir Gunnar Rúnar.

Rannsóknarnefnd kirkjuþings skilaði þann 10. júní niðurstöðum sínum í skýrslu sem bar heitið „Skýrsla um viðbrögð og starfshætti þjóðkirkjunnar vegna ásakana á hendur Ólafi Skúlasyni biskupi um kynferðisbrot“. Í kjölfarið lagaði fagráð störf sín að ábendingum rannsóknarnefndarinnar og er verklagið nú á þann veg að ráðið tekur á móti öllum málum sem til þess berast óháð því hvort viðkomandi er enn í starfi eða hvort möguleiki er á inngripum í viðkomandi máli.

Fræðsluátak Í skýrslunni kemur enn fremur fram að fagráð hafi í október 2011 staðið fyrir fræðsluátaki um kynferðisbrot í samvinnu við guðfræði- og trúarbragðafræðideild Háskóla Íslands og Guðrúnu Ebbu Ólafsdóttur sem fól í sér heimsókn, fundi og ráðstefnur með virtum fyrirlesara og baráttukonu á sviði baráttunnar gegn kynferðisbrotum, Rev. Dr. Marie M. Fortune, frá Faith Trust Institute í Seattle í Bandaríkjunum.

Í tengslum við heimsókn Dr. Fortune var haldið málþing undir yfirskriftinni Kynferðisleg misnotkun á börnum í trúarlegu samhengi. Auk þess var haldið námskeið í Neskirkju sem bar heitið Kynferðisleg misnotkun og rétt viðbrögð í samhengi kirkju og trúfélaga. Voru allir viðburðir fræðsluátaksins vel sóttir.//////Maður bara spyr eins og kannski kjáni ,eru svona mál ekki sakamál sem lögregla rannsakar og svo dæmt af dómstólum,Kirkjan er ekki dómari í þessu málum bara eins og við hin,siðferði a´ekki bara að vera innan kirkjunnar ,bara alstaðar,það er svo að nóg er komið að kaftæði um þetta og hitt kynferðisbrotið innan kirkjunnar og það er erfitt fyrir þá blessaða að skilja að þetta eru sakamal en ekki innafélagsmál kíkna eða Biskups!!!/Halli gamli

18 ásakanir um kynferðisafbrot