Kæra synjun Umboðsmanns skuldara//Það er allt uppí loft, með loforð um leiréttinga okurlána!!!

Kæra synjun Umboðsmanns skuldara Innlent | mbl.is | 16.8.2012 | 10:23 Hagsmunasamtök heimilanna hafa sent kæru til Úrskurðarnefndar um upplýsingamál vegna synjunar Umboðsmanns skuldara á beiðni um aðgang að gögnum um samráð fjármálafyrirtækja og Umboðsmanns skuldara, ásamt Neytendastofu og Talsmanni neytenda, sem stofnað var til í kjölfar dóms Hæstaréttar í máli nr. 600/2012 um gengistryggð lán.

Þetta kemur fram í fréttatilkynningu frá Hagsmunasamtökunum. Hagsmunasamtök heimilanna beindu í febrúar síðastliðnum erindi til Samkeppniseftirlitsins þar sem aðkomu Samtaka fjármálafyrirtækja (SFF) að úrvinnslu stjórnvalda á málefnum er varða mikilvæga hagsmuni neytenda, var mótmælt. Að fengnum athugasemdum veitti Samkeppniseftirlitið með ákvörðun sinni nr. 4/2012, Samtökum fjármálafyrirtækja (SFF) fyrir hönd aðildarfélaga þeirra og Dróma hf, undanþágu frá samkeppnislögum til að hefja ,,afmarkað samstarf sem miðar að því að hraða úrvinnslu skuldamála sem varða gengisbundin lán, í framhaldi af dómi Hæstaréttar Íslands frá 15. febrúar sl.”

Í fréttatilkynningu HH kemur fram að í ákvörðunarorðum Samkeppniseftirlitsins er skýrt kveðið á um skilyrði fyrir veitingu undanþágu til samráðsins, þar á meðal að “halda skal skýrar fundargerðir um fundi sem haldnir eru vegna samstarfsins.” ásamt ”yfirliti yfir öll gögn sem lögð eru fram á fundum eða verða til vegna samstarfsins.” Þann 12. júní síðastliðinn óskuðu HH eftir því að fá umrædd gögn afhent á grundvelli upplýsingaréttar, en barst þann 24. júlí sl. svar frá Umboðsmanni skuldara þar sem því var hafnað. „Mikilvægt er að upplýsingar um samráðið verði gerðar opinberar svo allir séu í sambærilegri aðstöðu gagnvart þeirri óvissu sem uppi er um hvort og hvenær til standi að framfylgja lögum í þágu neytenda eins og skuldarar bíða óþreyjufullir eftir.

Um er að ræða gögn varðandi starfsemi opinberra embættisstofnana sem hefur verið fyrirskipað með stjórnvaldsákvörðun að skuli haldin, meðal annars í því skyni að fyrirbyggja misferli eins og fram kemur í rökstuðningi Samkeppniseftirlitsins fyrir undanþágunni,“ segir í tilkynningu HH.

Með synjun á afhendingu gagnanna er neytendum, fjölmiðlum og öðrum hagsmunaaðilum gert ókleift að afla sér upplýsinga um samráðið og veita nauðsynlegt aðhald til að koma í veg fyrir röskun á samkeppnisstöðu, að mati HH. „Aftur á móti er þröngum hópi tryggt forskot að mikilvægum upplýsingum þar á meðal staðreyndum um hverskonar lán og málsatvik séu til umfjöllunar, með hvaða hætti verði búið til þeirra mála sem verði flutt, og af hverjum.

Á tungumáli fjármálamarkaða nefnist slíkt innherjaupplýsingar en hagnýting þeirra kallast misnotkun og er ólögmæt. HH telja þá leynd sem haldið er yfir samráði stjórnvalda og fjármálafyrirtækja einungis til þess fallna að vekja tortryggni og gagnrýnivert að þannig sé öndverðum sjónarmiðum og hagsmunum mismunað gróflega.

Jafnframt er ólíðandi að synjun um aðgang að viðkomandi upplýsingum sé rökstudd með því einu að vísa til afstöðu “annarra aðila” að samráðinu, sem geta varla verið aðrir en fjármálafyrirtækin. HH gagnrýna harðlega að opinber stofnun skuli þannig ganga erinda brotlegra aðila þvert gegn stórfelldum hagsmunum almennings,“ segir í tilkynningu Hagsmunsamtaka heimilanna.////////Þetta finnst manni ekki bara eiga við gengistrygð lán, als ekki það eru öll lán sem voru verðryggð frá 2008 eða fyrr tekin ,þetta vara bara rán um hábjartan dag og hagsmunasamtök heimilanna eig að berjast fyrir alla sem í þessu lentu og allt hækkað í hafi við kreppuna um 40%,þessu var lofað af Ríkisstjórn að skoða ,en hvað svikið eins og allt annað,ég ættla bara að vona að þeir hundruðir sem eru og munu missa sitt húsnæði og allt !!!!annað !!!að kjósa þetta ekki yfir okkur aftur!!!Þetta er bölvað pakk og ekkert annað sem þessu landi stjórna/Halli gamli

Kæra synjun Umboðsmanns skuldara

Athugasemdir

[Anna Sigríður Guðmundsdóttir, 16.8.2012 kl. 14:33]

Sæll Halli. Það er enginn munur á eigendum flokkanna. Það er staðreynd.

Það er enginn munur á stefnu forystumanna/eigenda flokkanna. Það höfum við bara því miður orðið að horfa uppá, og þurft að horfast í augu við.

M.b.kv.

[Guðmundur Ásgeirsson, 16.8.2012 kl. 20:41]

Það er hárrétt að verðtryggðu lánin verðskulda athygli líka. Staðreynd málsins er sú að Hagsmunasamtök heimilanna hafa varið meirihluta tíma síns og orku í að berjast gegn þeim, og þeirri baráttu er hvergi nærri lokið.