Óttast fellibyl í Flórída///Eins og Flórida ,er skemmtilegt getur það verið hættulegt!!!

Óttast fellibyl í Flórída Erlent | AFP | 25.8.2012 | 14:29 Hitabeltisstormurinn Ísak gekk yfir fátækustu svæði Haítí snemma í morgun. Einnig var gefin út opinber fellibylsviðvörun í suðurhluta Flórída, en óttast er að Ísak nái þangað fyrir ársþing repúblikana sem haldið verður í Tampa á mánudag. Vindhviður stormsins ná allt að 95 km á klukkustund, en búist er við að hann gangi yfir austanverða Kúbu síðar í dag.

Sérfræðingar fellibyljastofnun Bandaríkjanna spá því að stormurinn verði að fellibyl á morgun á leið sinni til Flórída. Samkvæmt upplýsingu af vef fréttastofunnar AFP er Ísak mjög nærri því að ná styrk fellibyls. Stormurinn gekk yfir svæðið sem varð verst úti í jarðskjálfta á svæðinu 2010, en þar búa þúsundir manna enn í tjaldbúðum og rústum húsa. Birgja sig upp af matvælum Haítí var fátækasta ríki á vesturhveli jarðar áður en jarðskjálftinn reið yfir árið 2010, en 250.000 manns létust í skjálftanum. 400.000 manns búa enn í tjaldbúðum í námunda við hina gjöreyðilögðu höfuðborg landsins, Port-au-Prince.

Í aðvörun fellibyljastofnunarinnar kemur fram að hætta sé á „lífshættulegum flóðum og aurskriðum“ á eyjunni Hispanjólu, sem tilheyrir Haítí og Dóminíska lýðsveldinu, auk þess sem varað var við hitabeltisstorminum í austanverðri Kúbu og Bahama-eyjum. Götur Port-au-Prince voru auðar og mannlausar seint í gærkvöldi, en fyrr um daginn mynduðust langar raðir fyrir utan matvöruverslanir þar sem íbúar birgðu sig upp af matvælum.

„Við vorum ekki reiðubúin fyrir fellibylinn. Þegar rignir stöndum við undir götóttum tjöldum. Hér eru mörg börn og við vitum ekki hvert við ættum að flýja ef okkur verður gert að rýma svæðið,“ segir Martine, starfsmaður í tjaldbúðum sem hýsa mörg þúsund fjölskyldur. Þær hafa hvorki aðgang að salernum né drykkjarvatni, og hafa yfirvöld á Haítí verið harðlega gagnrýnd fyrir vanrækslu gagnvart fjölskyldunum.////////////////Þessi er nokkuð snemma á ferð og öflugur mjög og vonar maður bara að hann breyti um stefnu!!! eins og Flórida er skemmtileg og hlý er þetta fellibilstímabil hættulegt!!!!ég hefi bara einu sinni fengið smá þef og það þótti litið,en sá hörmungarnar sem urðu þarna 1986 eða svo seinna um veturinn,hvílíkt og annað eins ,það var svakalegt//Hali gamli

Óttast fellibyl í Flórída