Ekkert erfitt heldur bara gaman///Þetta er afrek!!! og flott hjá þeim blessuðum!!!

„Ekkert erfitt heldur bara gaman“ Innlent | mbl | 26.8.2012 | 20:32 „Þetta var alls ekkert erfitt heldur bara ótrúlega gaman,“ sagði Sigrún Þuríður Geirsdóttir sem sinnti í dag ásamt þremur öðrum sjósundskonum frá Reykjavík til Akraness.

Á sundinu sem tók átta og hálfa klukkustund mættu þær meðal annars tveimur hrefnum og makríltorfumKonurnar, Sigrún Þuríður, Ragnheiður Valgarðsdóttir, Kristbjörg Rán Valgarðsdóttir og Birna Hrönn Sigurjónsdóttir, lögðu af stað klukkan tíu í morgun og tóku land kl. 18.28. Sigrún segir að fyrstu kílómetrana hafi verið töluverð ölduhæð auk þess sem nokkur straumur var við Hvalfjörð.

Um helming leiðarinnar hafi hins vegar verið afar gott í sjóinn og sundið ljúft. Sundið er um 22 kílómetrar í beinni sjónlínu. Sjósundkonurnar syntu í gegnum makríltorfur og í grennd við hvali. Ljósmynd/Jóhannes Jónsson „Við syntum framhjá alveg svakalegum makríltorfum og svo voru tvær hrefnur í svona 150 metra fjarlægð frá okkur.

Óhætt er að segja að það hafi verið áskorun að stinga sér til sunds með hrefnu svo nálægt. Það var frekar gaman og eitthvað sem maður gerir ekki á hverjum degi,“ segir Sigrún. Hefð að kveðja sumarið með sundi Sundinu skiptu þær á milli sín og syntu í klukkutíma hver. Þær fengu því góða hvíld á milli, gátu hlýjað sér og fengið sér að borða.

Allar eru þær vanar sjósundkonur og nokkrum sinnum í sjóinn á viku yfir sumartímann en um tvisvar í viku á veturna. „Við förum í Nauthólsvík á veturna en á sumrin syndum við hér og þar um landið.“ Ástæða þess að konurnar fjórar lögðu í sundið er sú að um eiginlega hefð er að ræða.

„Í fyrra kvöddum við sumarið með Viðeyjarsundi og okkur fannst tilvalið að kveðja þetta góða sumar með Akranessundi. Við ætlum svo að taka okkur veturinn til að ákveða hvað við gerum næst, en það verður pottþétt eitthvað,“ sagði Sigrún að lokum./////////Þetta er bara afrek að mínu mati, og það mikið,og þessar konur eru að sanna það þarna !!að svona er hægt og konur geti þetta ekki síður en karlar!!!sagt er að líkami konu þoli meiri kulda en karla,en ekki skal ég um það fullyrða en afrek er þetta =heirr!!! fyrir þeim blessuðum/Halli gamli 

„Ekkert erfitt heldur bara gaman“