Aukin vanskil benda ekki til bata/Nei það er als ekki: þó klinki daglega fréttir um bata mikin!!!

Aukin vanskil benda ekki til bata Viðskipti | mbl | 31.8.2012 | 12:28 Íbúðalánasjóður leysti til sín 501 íbúð til fullnustu krafna á fyrri hluta ársins, en seldi aðeins 58 eignir á sama tíma.

Í samtali við mbl.is segir Sigurður Erlingsson, framkvæmdastjóri sjóðsins, að mikið af eignum sé á söluskrá og að á næstunni komi mikið af eignum á bæði sölu- og leiguskrá.

Íbúðalánasjóður birti hálfsársuppgjör sitt í gær og þar kom meðal annars fram að eiginfjárhlutfall sjóðsins væri ekki nema 1,4%, en það er 2,6 prósentustigum undir lágmarki sjóðsins og 3,6 prósentustigum undir langtímamarkmiði hans.

Sjóðurinn á í dag um 2.050 íbúðir, en af þeim er 41% í útleigu, eða 846. Sigurður segir að í dag séu um 300 íbúðir á söluskrá og á næstunni muni rúmlega 200 bætast þar við. Nefnir hann sem dæmi að verið sé að leggja lokahönd á að koma tveimur blokkum í sölu sem eru í byggingu á Akranesi. Einnig sé horft til leigumarkaðarins, en tugir íbúða eru þessa dagana í lítilsháttar yfirhalningu og verið að gera þær leiguhæfar.

Hann segir að markmiðið sé að allavega 75% af eignum sjóðsins séu í virkri leigu eða söluferli og með þessum aðgerðum verði því marki náð. Fjölmargar ástæður eru fyrir því að þau 25% sem eftir standa eru ekki í ferli, en Sigurður segir að það taki tíma að taka við eignum sem komi inn, koma málinu í farveg og ástandsmeta eignina.

Einnig séu eignir í alls konar ásigkomulagi og sumar séu á svæðum þar sem hvorki sé sölu- né leigueftirspurn. Að lokum séu einhverjar eignir sem bíði niðurrifs, en það sé lítill hluti. Vanskil við sjóðinn hafa aukist lítillega, en milli ára hefur hlutfall viðskiptavina í frystingu eða vanskilum aukist úr 14,7% upp í 15,1%.

Tekið er fram að hlutfall vanskila sé að aukast meðan viðskiptavinum í frystingu hefur fækkað. „Þróunin hefur verið minna hagfelld en gert var ráð fyrir,“ segir Sigurður. Bjartsýni í fyrra virðist hafa verið meiri en efni stóðu til og segir Sigurður að bati heimilanna sjáist ekki í lánasafni sjóðsins.

„Á síðasta ári var ég þeirrar skoðunar að verið væri að hreinsa út með 110% leiðinni og síðan fengju heimilin niðurfærslur hjá öðrum lánastofnunum. Þegar fólk fengi skýra sýn á fjármál sín og stöðu lána og gæti farið að borga myndu lánin hjá okkur lagast í leiðinni. Þessi bati hefur ekki komið fram í okkar lánasafni.“////////Bendir þetta til þess að allt sé á uppleið!!!! ,nei öðru nær þetta bendir til þessa, að það sem sagt er er bara lýgi, og ekkert annað,það eru allir að missa sitt húsnæði sem lánin eru að sliga og það er sko ekki búið þetta er bara toppurinn ísjakanum,svo er Ráðherra að biðja um 14 milljarða í þenann sjóð,nei er ekki nær að gera eitthvað fyrir lántakendur, annað enn að tala og tala ,og gera ekki neitt/Halli gamli

Aukin vanskil benda ekki til bata