Framleiðsla jókst um 2.766%////Sunnudagur í landi en sætsúpa til sjós!!!

Framleiðsla jókst um 2.766% Viðskipti | mbl | 31.8.2012 | 21:50 Mikill vöxtur hefur verið í framleiðslu á aukaafurðum úr sjávarafla hérlendis og samkvæmt nýjum tölum frá Íslenska sjávarklasanum eru Íslendingar meðal þeirra efstu þegar kemur að nýtingu á aukaafurðum úr þorski.

Síðustu 18 árin hefur orðið gífurleg aukning á framleiðslu aukaafurða úr sjávarafla hérlendis. Árið 1992 var heildarframleiðsla um 1667 tonn, en var árið 2010 tæplega 48.000 tonn.

Á sama tíma hafa fiskistofnar og aflatölur minnkað í heiminum og dróst afli á þessu tímabili saman um tæplega 27%.

Lækkunin er svo mun meiri sé horft 40 ár aftur í tímann og því ljóst að þörfin fyrir fullnýtingu sjávaraflans hefur aukist mikið og hafa Íslendingar verið duglegir að nýta það. Hérlendis er þekktasta aukaafurðin lýsi, en auk þess eru fjölmörg önnur fyrirtæki, svo sem Atlantic Leather sem gerir leður úr fiskiroði, Kerecis sem framleiðir krem og stoðefni úr fiskiroði, Ice-west sem gerir niðursoðna, reykta þorsklifur og Norðurbragð sem framleiðir fiskikraft.

Auk þess hefur Haustak þurrkað fiskihausa og bein og selt til Afríku. Framleiðsla á aukaafurðum úr sjávarafla Í tilkynningu frá Íslenska sjávarklasanum kemur fram að búið sé að vinna tölfræðigreiningu á nýtingu þorsks þar sem Ísland mælist mjög hátt.

„Mikið svigrúm er til bættrar nýtingar þar sem Íslendingar geta tekið sér leiðtogahlutverk og selt þekkingu sína um allan heim.“ Samkvæmt Sjávarklasanum eru dæmi um að íslenskir aukaafurðaframleiðendur anni ekki eftirspurn t.a.m. á þurrkuðum afurðum til Nígeríu og hreinlega skorti hráefni.

Enn fremur eru þekkt dæmi þess að framleiðendur flytji inn hráefni erlendis frá, vinni þau og selji út aftur. Ljóst er að fjölmörg tækifæri leynast á þessum markaði ef fólk er hugmyndaríkt, hvort sem það er í nýjum verkefnum eða með að miðla þekkingu erlendis./////Eftir þennan lestur erum við

meira og meira hvað fiskveiðar hafa mikið að segja fyrir okkur og allir

sem vinna að þessu bæði sjómenn og landmenn,blessað fólk sem

stundar þetta í nætur og helgidagavinnu,svo á að bylta þessu öllu ef

þessari ríkisstjórn tekst það?? eða hvað stöndum við ekki saman núna

og hrintum þessu af okkur/Halli gamli

Framleiðsla jókst um 2.766%