Fljúgandi smalar tóku bensín í Bjarkalundi///Kannski framtíðin???

Fljúgandi smalar tóku bensín í Bjarkalundi Innlent | mbl.is | 4.9.2012 | 12:44 Langt er síðan fjórhjólið byrjaði að veita hestinum samkeppni sem þarfasti þjónninn í smalamennsku en sjaldgæfara er að smalar séu á flugvélum.

 Það gerðist samt á sunnudag þegar Þórður Valdimarsson og Óli Öder komu í heimsókn á Stað í Reykhólasveit á fisflugvélinni TF 151 Þeir mættu einmitt þegar var verið að undirbúa smölun í eyjunum fyrir framan Stað og Árbæ og drifu sig með til aðstoðar.

Smölunin í eyjunum er upphaf smalamennskutímans á Stað og Árbæ. Frá þessu segir á Reykhólavefnum. Farið var á tveimur hestum út í eyjar en Þórður og Óli svifu yfir, tóku statusinn og létu vita hvar kindur voru og hvar ekki.

„Þetta var mikill sparnaður og skemmtileg tilbreytni í smölun, kindurnar tóku vélinni vel, enda ekki mikil hávaði af henni, og runnu létt heim“, segir Eiríkur Snæbjörnsson bóndi á Stað, í viðtali á Reykhólavefnum. Tveir hópar fundust sem vélin gat sameinað og þá tóku við hestar og hjól sem ráku féð heim.

Þegar eyjarnar framan við Stað og Árbæ eru smalaðar er farið á fjöru, þar sem hægt er að fara um sjö kílómetra út í eyjar. „Þessi nýjung getur sparað mikinn tíma og sérstaklega í eftirleitum. Aldrei að vita nema svona vél kíki við aftur,“ segir Eiríkur á Stað. Og ekki var vandamál með bensínið á vélina. Þeir félagar lentu einfaldlega á planinu við Hótel Bjarkalund og tóku bensín eins og sjá má á myndum með fréttinni á Reykhólavefnum.//////////Kannski er þetta framtíðin??? en við vissar aðstæður er þetta mjög flott og gott!!!Þetta mun spara mörg sporinn!!!!/Halli gamli

Fljúgandi smalar tóku bensín í Bjarkalundi