Svæfði Illuga við munnhörpuleik/þetta er ekki slæm meðmæli eða bara góð!!

Svæfði Illuga við munnhörpuleik Innlent | mbl.is | 4.9.2012 | 21:03 „Ég kynntist Illuga Gunnarssyni fyrst sem barni á Siglufirði eftir að ég hrökklaðist þangað til náms á sínum tíma.

Ég passaði hann stundum fyrir foreldra hans sem tóku mig að nokkru leyti undir sinn verndarvæng á þessum árum og reyndust mér vel.“ Þetta segir Björn Valur Gíslason, þingflokksformaður Vinstrihreyfingarinnar - græns framboðs, á heimasíðu sinni í dag um Illuga Gunnarsson, nýjan þingflokksformann Sjálfstæðisflokksins.

Björn bætir því við að hann hafi stundum átt það til að svæfa Illuga við munnhörpuleik „og tel mig þannig hafa vakið upp tónlistarhæfileika sem blunduðu þá í brjósti hans en vöknuðu síðar til lífsins.

Ég hef stundum velt því fyrir mér hvort mér hefði ekki verið nær að leggja minni áherslu á munnhörpuleikinn en ræða þess í stað meira við hann um lífið og tilveruna“. Þá segir Björn Illuga góðan dreng og að hann sé ennfremur eini þingmaðurinn með uppáskrift frá lögmanni um að honum sé stætt á að vera á þingi.

„Ég er ekki viss um að það séu allir í færum til að verða sér úti um þannig ávísun á eigið pólitískt heilbrigði. Það stafar því sannarlega miklum þingsóma af Illuga.“ Hann segir ennfremur að Illugi verði vafalaust fyrirmyndar þingflokksformaður en kannski „með örlítið annan stíl en forveri hans, en það er líka allt í lagi“ og vísar þar til Ragnheiðar Elínar Árnadóttur, forvera Illuga.////////Fyrst maður hefur alltaf eiginlega talað hálf ílla Póltíkst um Björn Val ,sé ég það að hann bara, getur verið mannlegur, og það bara vel!! og húmor hefur hann ,góðan þarna ,en oft mjög nasty!! en svo að þó maður hafi stundum verið stórorður um hann,er þarna önnur hlið/Halli gamli

Svæfði Illuga við munnhörpuleik

Athugasemdir

[Anna Sigríður Guðmundsdóttir, 4.9.2012 kl. 23:06]

Halli. Björn Valur á alls ekki heima í pólitík, því hann hefur greinilega styrkleika á allt öðru sviði. En hann er eflaust góður gítar-strákur, svona svipað og Jonny Cash. Ekki hefði Jonny ráðið við þjóðar-pólitík.

Það eru margir sem lenda á rangri styrkleika-hillu í lífinu, með hörmulegum afleiðingum fyrir þá sjálfa og aðra.

M.b.kv.

[Ingibjörg Guðrún Magnúsdóttir, 4.9.2012 kl. 23:52]

Það eru að koma kosningar og útlitið ekki bjart hjá flokki hans...