Harma endurtekin brot ráðherra/Það gerum við öll!!!

Harma endurtekin brot ráðherra Innlent | mbl.is | 8.9.2012 | 11:24 „Að sumir ráðherrar megi stundum brjóta lög grefur undan lýðræði í landinu og réttaröryggi og elur á almennu vantrausti í garð stjórnvalda.“ Svo segir í ályktun stjórnar Kvenréttindafélags Íslands.

Félagið harmar endurtekin brot ráðherra á jafnréttislögum og furðar sig á aðgerðarleysi stjórnvalda. „Að sumir ráðherrar megi stundum brjóta lög grefur undan lýðræði í landinu og réttaröryggi og elur á almennu vantrausti í garð stjórnvalda. Þá er hætt við að jafnrétti kynjanna færist sem málaflokkur áratugi aftur í tímann, sé framkvæmd jafnréttislaga aðeins orðin tóm,“ segir í ályktun stjórnar Kvenréttindafélags Íslands.

Stjórn Kvenréttindafélagsins telur jafnframt að brot sem þessi séu mun umfangsmeiri innan stjórnsýslunnar en þau tilvik gefa til kynna sem komist hafa í hámæli undanfarið með úrskurðum Kærunefndar jafnréttismála. Þó að þar halli enn verulega á hlut kvenna virðist sem stofnanir geti óátalið ráðið karlmenn í meirihlutann af lausum áhrifa- og stjórnunarstöðum, eins og finna megi dæmi um hjá Þróunarsamvinnustofnun Íslands.

„Slíkt ráðningarmynstur ætti að gefa Embætti umboðsmanns Alþingis fullt tilefni til frumkvæðisathugunar, ekki síst með hliðsjón af því að staða vinnumarkaðarins kann að hafa letjandi áhrif á konur sem myndu ella leita réttar síns,“ segir stjórn Kvenréttindafélagins. Þá er að mati stjórnarinnar full ástæða til að gjalda varhug við því sem hún segir virðast vera þverrandi virðing stjórnmálaafla fyrir lögum landsins.

Bent er á að með brotthvarfi Ragnheiðar Elínar Árnadóttur er stjórn þingflokks Sjálfstæðisflokksins einvörðungu skipuð körlum. „Með hliðsjón af því að óðum styttist í alþingiskosningar hvetur stjórn Kvenréttindafélags Íslands kjósendur til að íhuga hve mikla virðingu þeir stjórnmálaflokkar beri almennt fyrir lögum landsins sem virða meginmarkmið jaafnréttislöggjafarinnar jafnlítils og raun ber ítrekað vitni.“///////Eg er smmála þeim þarna blessuðum !!!og vel það,við viljum ekki svona vinnubrögð öll að ég held!! það er alltaf verið að tala og tala um að betrumbæta en ekki gert er ekki komin tími á það//Halli gamli

Harma endurtekin brot ráðherra

Athugasemdir

[Helgi (IP-tala skráð) 8.9.2012 kl. 14:22]

Sæll.

Þessum klúbb er alveg sama um jafnrétti, þær hugsa bara um hag kvenna.

Ef þessum klúbb (sem er sennilega fjármagnaður af skattgreiðendum) væri í raun umhugað um jafnrétti myndu  þær beita sér fyrir jöfnum rétti foreldra til umgengni við börn sín eftir að foreldrar slíta samvistum. Í dag hallar mjög á feður en þar sem þessum klúbb er sama um jafnrétti heyrist hvorki hósti né stuna þaðan vegna þessa óréttlætis.