Von á mikilli úrkomu norðantil/Við skulum ekki skella við skollaeyrum!!

Von á mikilli úrkomu norðantil Innlent | mbl.is | 9.9.2012 | 15:22 Veðurstofa Íslands varar við stormi, yfir 20 m/s, fyrst norðvestantil í dag en um allt land seint í kvöld og á morgun.

Á sunnanverðu landinu, frá Kjalarnesi austur að Austfjörðum, má gera ráð fyrir mjög hvössum vindhviðum við fjöll, allt að 40 m/s, og gæti skyggni spillst víða á fjallvegum á Norðurlandi. „Þetta er byrjað á norðvesturhluta landsins, þar er orðið ansi hvasst, en svo færist þetta suður þegar líður á kvöldið og verður orðið ansi slæmt á miðnætti,“ segir veðurfræðingur hjá Veðurstofu Íslands í samtali við mbl.is og bætir við að lítil breyting verði í veðri á morgun.

Í nótt mun veður versna talsvert á austanverðu landinu og er gert ráð fyrir mjög slæmu veðri þar á morgun. Veðurstofan varar sérstaklega við vindhviðum sunnan Vatnajökuls, á Suðurlandi og Kjalarnesi. „Þetta lagast í raun ekkert fyrr en á þriðjudaginn.

Vestantil dregur mikið úr þessu aðra nótt en á austanverðu landinu mun þetta í raun halda áfram þar til seinnipart þriðjudags,“ segir veðurfræðingur. Mun snjóa á fjallvegum Veðrinu mun fylgja mikil úrkoma norðantil en gert er ráð fyrir vaxandi norðaustanátt í dag, fyrst um landið norðvestanvert. Norðan 15-23 m/s síðdegis norðvestantil og slydda eða snjókoma á fjallvegum en rigning á láglendi.

Veðurfræðingur Veðurstofu Íslands segist búast við erfiðri færð um tíma á fjallvegum á Norðurlandi, allt frá Holtavörðuheiði og austur á firði. Vert er að benda ökumönnum sérstaklega á að búast má við snjókomu á Holtavörðuheiði og Steingrímsfjarðarheiði strax í kvöld en í nótt og á morgun gæti einnig byrjað að snjóa í Vatnsskarði og á Öxnadalsheiði.

Þá er leiðin frá Lokinhamradal að Stapadal í Arnarfirði nú ófær í fjörunni við Skútabjörg. Fólk hugi að lausum munum Einnig er vert að brýna fyrir fólki að huga vel að lausum munum, sólhúsgögnum, trampólínum, útigrillum og öðru slíku svo koma megi í veg fyrir óþarfa tjón. Á höfuðborgarsvæðinu er gert ráð fyrir 13-20 m/s seint í kvöld og norðan 10-18 m/s í fyrramálið.////////Við reyndir veðurmenn gerum ekki grín af svona aðvörunum,als ekki.þó stundum haf þær brugðist er það bara vinningur en fólk skal alltaf taka mark,það sakar engan!!!Eins og ég sagði í grein í gær ,maður tryggir ekki eftirá!!!! en við skulum bara með það sem þarf að gera bíða um stund ,og láta veðrið sjatna ekki spurning/Halli gamli

Von á mikilli úrkomu norðantil