Stormurinn sækir í sig veðrið/Kári lætur ekki að sér hæða!!!!!

Stormurinn sækir í sig veðrið Innlent | mbl.is | 9.9.2012 | 22:04 „Það er ennþá að hvessa og verður væntanlega í kringum miðnætti sem veðrið verður búið að ná fullum styrk,“ segir Óli Þór Árnason, veðurfræðingur hjá Veðurstofu Íslands.

Á Norðurlandi er vindhraðinn nú um 15-20 metrar á sekúndu og á Kjalarnesi hefur hann farið í 39 metra í hviðum. 39 m/s á Kjalarnesi Veðrið gengur yfir landið í norðri en suðaustanlands fer líklega ekki að hvessa fyrr en líður á nóttina og má búast við að þar verði leiðinlegt veður á morgun að sögn Óla Þórs.

„Lægðin er núna bara skammt austur af landinu þannig að hún ýtir náttúrlega bæði mestu úrkomunni og vindinum inn á norðanvert landið sem fer svo yfir landið. Það er eiginlega ekki fyrr en seinni partinn á morgun eða undir kvöld á morgun sem hún fer að hopa til suðausturs og fer þá að gefa eitthvað eftir aftur.“ Vindhraðinn hefur smám saman farið vaxandi eftir því sem líður á kvöldið.

Óli Þór bendir á að það séu nokkrir staðir sem eigi sér „uppáhaldsáttir“ og til dæmis sé Bláfeldur á Snæfellsnesi þekktur staður í hánorðanátt. Klukkan 21 í kvöld var meðalvindurinn þar um 25 metrar á sekúndu og hviðurnar komnar í 35 metra. Á Kjalarnesi er meðalvindur um 25 m/s en hefur mest farið í 39 m/s.

Fjallvegir norðanlands varasamir „Hlémegin við fjöll verða oftast langsterkustu hviðurnar, þannig að Kjalarnesið verður slæmt núna sjálfsagt í sólarhring og viðbúið að það verði ekki fyrr en annað kvöld sem óhætt er að fara þar um með vagna og stóra bíla sem taka á sig vind. Eins verður í raun undir Vatnajökli á morgun þar gera spárnar ráð fyrir mjög hvössum hviðum og þær fara létt í 40 metra ef vindurinn nær þar að steypa sér niður.

En það verður líklega ekki fyrr en seint í nótt í fyrsta lagi.“ Á Norðurlandi hefur farið kólnandi í kvöld og er hitinn kominn niður undir frostmark á Mývatnsöræfum og á Steingrímsfjarðarheiði, þar sem farið er að grána. 1°C hiti er á Holtavörðuheiði og úrkoma þar því í formi slyddu eða snjókomu. Má því búast við hálku á fjallvegum norðanlands í dag og á morgun, en á morgun dregur úr úrkomu vestan til. Að sögn Óla Þórs er hvassasti tími samkvæmt spánni undir morgun. „En veðrið verður búið að ná góðum styrk á miðnætti og gefur ekkert eftir heldur frekar að það bæti í um nóttina.“/////////Þessu var spáð og það gengur eftir og vel það!!!en bara vona að við komumst slysalaust út úr þessu!! en þetta er ekki búið!!! það verður svona á morgun einnig !!!ef rétta er spáð við skulum öll fara okkur varlega/Halli gamli

Stormurinn sækir í sig veðrið