Verður minnst fyrir norðanáhlaupið///Kannski lærum við einnig að taka mark á veðurfregnum!!

Verður minnst fyrir norðanáhlaupið Innlent | mbl.is | 1.10.2012 | 17:56 Septembermánaðar verður að þessu sinni einkum minnst fyrir óvenjulegt hríðarveður sem gerði um landið norðanvert dagana 9. til 11. september Mikið fannfergi og ísing fylgdi veðrinu og olli hvort tveggja miklu tjóni, ísing felldi raflínur og fé fennti þúsundum saman. Mikið fannfergi og ísing fylgdi veðrinu og olli hvort tveggja miklu tjóni, ísing felldi raflínur og fé fennti þúsundum saman.

Enn er ekki ljóst hversu margt af fénu drapst, samkvæmt frétt á vef Veðurstofu Íslands. Hiti mánaðarins í heild var nærri meðallagi, ýmist lítillega undir því eða rétt yfir. Hlýjast að tiltölu var á Austfjörðum en kaldast inn til landsins um það vestanvert. Óvenjuúrkomusamt var víða á landinu.

Meðalhiti í Reykjavík mældist 7,3 stig, 0,1 stigi undir meðallagi september 1961 til 1990. Þetta er að tiltölu kaldasti mánuður þessa árs í Reykjavík. Frá fjárleit á Þeistareykjum í september Björgunarsveitin Ársól Reyðarfirði. Meðalhitinn á Akureyri var 6,0 stig og er það 0,3 stigum undir meðallagi. Á Höfn í Hornafirði var meðalhitinn 7,1 stig, 0,6 stigum undir meðallagi. Hlýjast á Garðskagavita Meðalhiti mánaðarins var hæstur á Garðskagavita, 8,6 stig, og í Surtsey var hann 8,5. Mánaðarmeðalhitinn var lægstur í Sandbúðum og á Gagnheiði, -0,3 stig.

Í byggð var meðalhitinn lægstur í Svartárkoti, 2,8 stig. Hæsti hiti mánaðarins mældist á Hallormsstað og Kollaleiru þann 1., 19,6 stig. Á mannaðri stöð mældist hiti hæstur í Miðfjarðarnesi þann 1., 19,5 stig. Lægsti hiti í mánuðinum mældist á Brúarjökli þann 20., -8,4 stig. Lægstur hiti í byggð mældist í Árnesi þann 12., -7,7 stig.

Meira er þreföld meðalúrkoma á Akureyri Fádæma úrkomusamt var víða um landið norðanvert og úrkoma var vel ofan meðallags á flestum stöðvum sem meðaltöl hafa verið reiknuð fyrir. Í Reykjavík mældist úrkoman 101,7 mm og er það 53% umfram meðallag. Úrkoma hefur oft mælst meiri en þetta í september, síðast 2008.

Á Akureyri mældist úrkoman 140,6 mm og er það meir en þreföld meðalúrkoma. Meiri úrkoma hefur aðeins mælst einu sinni á Akureyri í september. Það var 1946 þegar hún mældist 166 mm, þar af meir en helmingur á einum degi. Þetta er úrkomumesti september á nokkrum stöðvum í Skagafirði og í Eyjafirði, en mælt hefur verið mislengi.///////////Þetta er ekki sagt í neinu neikvæðum tilgangi!!!en ber samt að segja að á þessu eiga menn að læra,það var búið að vara við þessu nokuð löngu áður!!!!Þegar svona er spáð er það bara hitatsigið sem ræður hvort um snjó slyddu eða rigningu er að ræða!!Spáinn var slæm og viðbúið að þetta yrði svona!!en það var ekkert dregið þar undan!!en við verðum að fara að læra á þessar  haustlægðir,og taka þær alvarlega!!!!//Halli gamli

Verður minnst fyrir norðanáhlaupið

Athugasemdir

[Högni Elfar Gylfason, 1.10.2012 kl. 20:41]

Sæll Haraldur.

Auðvitað kemur þetta veður til með að verða til þess að fólk verður varara um sig þegar veðurspáin er tvísýn. Engu að síður þá var þessu veðri auðvitað ekki spáð svona slæmu og fram hefur komið að hitastig hafi verið svolítið lægra og úrkoman mun meiri en spáin sagði til um. Mér finnst fullharkalegt að halda því fram að .... tja svona um það bil allir hafi verið að hundsa veðurspána. Nær lagi væri að segja að fæstir hafi reiknað með að veðrið yrði svona mikið verra en útlit var fyrir. Ég þekki allavega ekki nokkurn bónda sem hefði ekki reynt að smala öllu því fé sem til hefði náðst ef grunur væri um slíkar hamfarir.

[E (IP-tala skráð) 1.10.2012 kl. 20:52]

Þetta er ekki rétt með spárnar, það hefur Veðurstofan sjálf viðurkennt opinberlega. Spárnar gerðu ráð fyrir minni úrkomu, minni vindi og hærra hitastigi, sem til samans gerði útslagið um hversu vont veðrið varð. Svo þarf að taka tillit til þess, að skv. lögum má ekki rjúka til og smala afrétti á öðrum tímum en fyrirfram ákveðnum, nema samþykki hagsmunaaðila liggi fyrir. Smalamennskur eru líka þannig aðgerð, að þeim verður ekki komið á nema með nægilegum mannskap, ef þær eiga ekki að verða til að gera illt verra.

[Ásthildur Cesil Þórðardóttir, 1.10.2012 kl. 21:14]

Þetta er afar sorglegt mál og hörmulegt fyrir vesalings dýrin og bændur.  Auðvita þarf veðurstofan að vanda betur til, það þarf ef til vill að skoða langtíma spár frá Noregi, fólk sem þekkir til segir að þær séu miklu áreiðanlegri en íslenskar veðurspár. 

[Haraldur Haraldsson, 1.10.2012 kl. 22:41]

Kæra fólk ég er ekki beint að áska neinn og als ekki veðurstofun þessu var spáð þó nokkuð löngu fyrir þennan dag,lesið bara bloggiið mitt þann 7-8 Sept.og svo áfram þessu var spáð!!!eg er ekki að áska neinn ,nema þema mitt er að menn eiga að taka mark á veðurfregnum,og fara eftir þeim,skaðin er skeður en við eigum að læra,ég sá þetta á Norsku stöðunni 3 dögum fyrr en 8 sept,og það voru viðvaranaðir engin sem annað getur sagt,ég hefi alltatíð verið með hugan við veður,og eignelga frá þvi að ég var vetraramður að Efri Brú i Grímsnesi veturin 1948-9 það var vesti vetur sem eg hefi lifað með veðurhæð snjó og frost og jarðbönn 14 mai voru himin háir skaflar á Hellisheiði,margir urðu bílum fært!!! Satt Ásthildur þetta er sorglegt mál mjög fyrir menn og dýr,en við eigum samt alltaf að læra af svona/Kveðja

[Haraldur Haraldsson, 1.10.2012 kl. 22:47]

Þetta á að vera þarna margir urðu heylausir og urðum við að ná i úthey niður í Flóa á hestasnjóleðum,þvi bílum var ekki fært,afsakið þessa villu

[Hörður Þórðarson, 2.10.2012 kl. 19:51]

Ég hef ekki fylgst með frammistöðu VÍ í þessu máli en ég veit að þar vinnur margt gott fólk sem gerir sitt besta til að vara við slæmum veðrum.

Varðandi þessa "norsku spá", er þá ekki verið að tala um spánna sem kemur frá http://www.yr.no/? Sú spá er tölvuspá sem er unnin beint upp úr tölvuspá
ECMWF http://www.ecmwf.int/.

VÍ hefur fullan aðgang að spám frá ECMWF og ætti að vera í stakk búin (með því að nota þekkingu og reynslu á Íslenskum aðstæðum og tölvispár frá Bretlandi og USA til samanburðar) til búa til betri spár en þessar spár sem koma frá Noregi...