Ökumenn noti bílastæði í Laugardal//Þetta er rétt ef einhvert slys eða eldsvoði verður,er þetta nauðsinnlegt!!!!!

Ökumenn noti bílastæði í Laugardal Innlent | mbl.is | 16.10.2012 | 10:33 Lögreglan á höfuðborgarsvæðinu beinir þeim tilmælum til ökumanna sem eiga leið um Laugardalinn að nýta þau bílastæði sem þar eru í stað þess að leggja ólöglega á eða við götur á svæðinu.

Tilefnið af tilmælunum nú er landsleikur Íslendinga og Svisslendinga í knattspyrnu sem fram fer á Laugardalsvellinum í kvöld kl. 18.30. Reynsla síðustu ára sýnir að bílastæði við völlinn eru ekki fullnýtt þegar ýmsir stórviðburðir fara þar fram, segir í tilkynningu lögreglunnar.

Þess í stað hafa margir lagt það í vana sinn að leggja ólöglega á Reykjavegi og Engjavegi svo aðeins tvær götur séu nefndar. Sömuleiðis er iðulega lagt ólöglega á ýmis grassvæði í Laugardalnum.

Lögreglan ítrekar því tilmæli sín til ökumanna og hvetur þá til að nýta bílastæðin til fulls. Að öðrum kosti mega ökumenn búast við sektum vegna stöðubrota en gjaldið, 5000 kr., rennur í Bílastæðasjóð. „Ljóst er að ekki geta allir vallargestir lagt bílum sínum við Laugardalsvöllinn en í nágrenni hans eru víða ágæt bílastæði.

Þess má geta að veðurútlitið er gott og því ætti engum að muna um að leggja smáspöl frá leikvanginum og ganga í fáeinar mínútur að vellinum.

Á meðfylgjandi korti eru ágætar upplýsingar um bílastæði í Laugardalnum en þessu til viðbótar má einnig minna á bílastæði ofan við Fjölskyldu- og húsdýragarðinn og við TBR-húsið,“ segir í tilkynningu lögreglunnar.///////Auðvitað verður að fara eftir lögunum þarna,ef eitthvað kemur uppá slys eða bruni er það númer 1 að gera komist að,fyrir lögreglu og slökkvilið!!!Við skulum mynnast þessa öll og hreifihamalaðir fái stæðin næst!!!! ekki spurning/Halli gamli

Ökumenn noti bílastæði í Laugardal