Besta tímabil Sviss í rúma hálfa öld/Ekki skal það af þeim tekið :nema í dag svoltítið vonandi!!!

Besta tímabil Sviss í rúma hálfa öld Íþróttir | Morgunblaðið | 16.10.2012 | 14:04 Svisslendingar stíga inná Laugardalsvöllinn í kvöld sem efsta liðið í E-riðli undankeppni heimsmeistaramótsins.

Þeir mæta líka til leiks sem sigurstranglegasta liðið í þessum riðli og eru án efa staðráðnir í því að bæta sér upp vonbrigðin eftir að hafa misst af því að komast í úrslitakeppni EM á liðnu sumri. Það var fyrsta stórmótið frá 2002 sem Svisslendingar komust ekki á.

Þeir léku á HM 2006 og 2010 og á EM 2004 og 2008. Undanfarin tíu ár eru besti kaflinn í landsliðssögu Sviss frá miðri síðustu öld þegar landið átti lið í lokakeppni fjögurra heimsmeistaramóta í röð.

Leikmannahópur Svisslendinga er öflugur og meirihluti leikmannanna, 13 af 23 sem valdir voru fyrir leikina tvo, spilar með sterkum liðum í Þýskalandi og á Ítalíu.

Hópurinn er tiltölulega ungur því 15 leikmenn eru fæddir 1986 og síðar og þrír þeir yngstu árið 1992. Einn hefur helst úr lestinni því framherjinn Eren Derdiyok, leikmaður Hoffenheim, er í leikbanni í kvöld vegna tveggja gulra spjalda.

Samherjar hjá Napoli og Sviss Valon Behrami og fyrirliðinn Gökhan Inler, sem báðir leika með Napoli á Ítalíu, eru í stórum hlutverkum á miðjunni hjá Sviss. Behrami lék með West Ham í þrjú ár, var keyptur þangað í valdatíð Íslendinganna, og Inler hefur oft verið orðaður við ensk lið án þess að hafa stigið skrefið þangað.

Xerdan Shaqiri, hinn 21 árs gamli og eldfljóti kantmaður frá Bayern München, er leikmaður sem Íslendingar sáu mikið til í Evrópukeppni 21-árs landsliða í fyrra, sem og Granit Xhaka, tvítugur miðjumaður sem leikur með Mönchengladbach í Þýskalandi. Djourou í vörninni Þá þekkja áhugamenn um enska fótboltann ágætlega til Johans Djourou, varnarmanns Arsenal, en hann er lykilmaður í vörn Svisslendinga.

Varnartengiliðurinn Gelson Fernandes er líka með reynslu frá Englandi en hann lék með Manchester City í tvö ár og spilar nú með Sporting Lissabon í Portúgal. [e-mail]

///////Já við getum vel unað þeim þetta allt og vel það,þetta er feikilega samhæft og sterkt lið og mun ekki láta sig auðveldlega en það gæti samt hent þá á heimavelli okkar ef við gerum gæfu til ,að að vera í besta stuði og heppni er þarna oft mikil sem  gæti spilað þarna inn,en við eigum þarna unga menn einnig sem ekki eru kannski nema fáir á Heimsmælikvarða!! en samt góðir á góðri stundu sem þeir hafs sýnt undanfarið/Áfram Ísland!!!!//Halli gamli

Besta tímabil Sviss í rúma hálfa öld