Tap gegn Sviss í Laugardalnum/////Þetta var góður leikur!!Ekki síst okkar mana!!!

Tap gegn Sviss í Laugardalnum Íþróttir | mbl | 16.10.2012 | 20:25 Íslenska landsliðið í fótbolta tapaði fyrir því svissneska, 2:0, í leik liðanna í undankeppni HM 2014 á Laugardalsvellinum í kvöld.

Það verður því Sviss sem vermir efsta sæti riðilsins næstu fimm mánuðina. Svissneska liðið var betra í leiknum, var meira með boltann og sóknarleikur þess var beinskeittari en hjá Íslendingum. Aftur á móti tókst gestunum ekki að hitta markið fyrr en í seinni hálfleik.

Íslenska liðið var of aftarlega á vellinum í fyrri hálfleik og reyndi að beita skyndisóknum. Gylfi Þór Sigurðsson átti þó fínt skot á mark úr aukaspyrnu og Alfreð Finnbogason komst í gott færi sem Benaglio varði vel í marki gestanna.

Í seinni hálfleik lék íslenska liðið mun betur en það var Sviss sem komst yfir með glæsilegu marki Tranquillo Barnetta á 65. mínútu. Eftir mikinn darraðadans í teignum og fyrir utan hann komst Barnetta í fínt skotfæri og smellti boltanum í markvinkilinn fjær.

Birkir Bjarnason fór á kostum í leiknum og átti skot í stöng og þá varði Benaglio frábærlega skalla Alfreðs Finnbogasonar úr dauðafæri. Svisslendingar fóru í sókn eftir færi Alfreðs og skoruðu annað mark. Okkar menn gleymdu sér í varnarleiknum og Mario Gavranovich skoraði af stuttu færi 79. mínútu, 2:0.

Ísland gerði hvað það gat til að skora en allt kom fyrir ekki og súrt tap því staðreynd. Sviss er eftir í riðlinum með 10 stig eftir fjóra leiki en Ísland er í þriðja sæti með sex stig. Nánari umfjöllun um leikinn verður í Morgunblaðinu í fyrramálið en myndbandsviðtöl koma inná mbl.is seinna í kvöld.//////Þetta var hasar leikur en bæði lið góð og Svissarar betri á pörtum og meira með boltann!! en við bara góðir og leikurinn þessa vegna farið Jafntefli ef allt hefði gengið upp hjá okkur,en þetta sýnir að munurinn á !5-103 er ekki meira en þetta þó heimsleikar sé ,Áfram ísland,samt of mikið af gulum spjöldum okkar/Halli gamli

Tap gegn Sviss í Laugardalnum