Tillaga um afnám verðtryggingar felld//Hvaða fólk sækir þetta þing?????

Tillaga um afnám verðtryggingar felld Innlent | mbl.is | 19.10.2012 | 16:39 Þing ASÍ felldi í dag tillögu um afnám verðtryggingar. 103 studdu tillöguna eða 46% atkvæða, en 121 greiddu atkvæði á móti eða 54%.

Miklar umræður urðu á þingi ASÍ um verðtryggingu. Þingfulltrúar deildu um hvort verðtryggðin væri meinsemd sem hefði leitt fjölda heimila í gjaldþrot eða hvort orsakanna væri að leita annars staðar. Þeir sem gagnrýndu verðtrygginguna lögðu fram tillögu fyrir þingið þar sem sagði: „Þing ASÍ skorar á Alþingi að afnema verðtryggingu á neytendalánum til einstaklinga og heimila enda er hér um að ræða samfélagslegt mein sem hefur leikið skuldsett heimili skelfilega á liðnum árum og áratugum.

Einnig skorar þingið á Alþingi að setja lög sem mæli fyrir þak á vexti á húsnæðislán.“ Kristján Þórður Snæbjarnarson, formaður Rafiðnaðarsambandsins, gagnrýndi tillöguna og sagði að tillaga um að setja þak á vexti fæli í sér að lánveitendur yrðu ekki tilbúnir til að lána ef þeir fengju ekki ávöxtun á fjármagn sitt. Afleiðingin yrði sú að til yrði ástand sem væri svipað því sem var á sjötta og sjöunda áratugnum þegar fólk þurfti að betla lán frá bankastjórum og helst að þekkja einhvern valdamann til að fá lán.

Kristján Þórður tók dæmi af óverðtryggðu láni sem stóð í 20 milljónum í ársbyrjun 2009. Verðbólgan fór upp í 18% það ár. Kristján Þórður sagði að þetta þýddi að mánaðarlegar afborganir af láninu hefðu farið úr 172 þúsund krónur í 400 þúsund. Ef lánið hefði verið verðtryggt hefðu afborganir farið úr 110 þúsund í 111 þúsund. Höfuðstóllinn hefði vissulega hækkað mikið, en hann sagðist ekki sjá hvernig fólk gæti ráðið við afborgun upp á 400 þúsund á mánuði.

Vilhjálmur Birgisson, formaður Verkalýðsfélags Akraness, og einn tillöguflytjenda, sagði að afleiðing verðtryggðarinnar væri sú að 50% heimila á Íslandi væru tæknilega gjaldþrota. Hann sagði að verðtryggðin væri meinsemd sem verkalýðshreyfingin ætti að berjast gegn.

Fjármagnseigendur væru með belti og axlabönd á meðan lántakar hefðu allt sitt á þurru. Verkalýðsfélag Akraness hefur ásamt Hagsmunasamtökum heimilanna ákveðið að höfða dómsmál til að fá úr því skorið hvort verðtryggingin sé lögleg.

Birgir Már Guðmundsson, stjórnarmaður í VR, sagði rétt sem fram hefði komið í umræðum á þinginu að það væri ekki nægilegt að horfa bara á verðtrygginguna. Meinsemdin væri verðbólga og óstjórn í efnahagsmálum hér á landi.

Birgir sagðist hins vegar taka undir að losna þyrfti við verðtrygginguna. Hann sagði að hún hefði leikið sig grátt og hann væri í hópi þeirra sem ættu ekki lengur neitt í húsnæði sínu. Fríður Birna Stefánsdóttir, stjórnarmaður í VR, sagði að efnahagsstjórn í þessu landi væri „ömurleg“ og hún yrði það áfram þó að við gengjum í Evrópusambandið.

Hún sagði að aðferðin við að eignast húsnæði væri að spara og leggja fyrir áður en farið væri af stað. Það gengi hvergi í heiminum að kaupa húsnæði á 100% lánum.

/////////Þetta er furðuleg útkoma á þessu öllu þarna að það skuli ekki vera samastaða um að fella hana niður í 2-3 áföngum,og svo bara verður að stjórna eftir því að fólk fái raunávöxstun á peningum sínum,þá getur það safnað fyrir íbúðum og innbúi,þessi kona þarbna sem segir að fólk eiga að safna og kaupa svo,hvaðan kemur hún frá utlöndum eða hvað?? þetta er svo að .það ver'ur að byrja á  að taka verðtrygginguna af ekki enda þvi það kemur aldrei og við bara heimtum þetta,Verðtrygging er að drepa alla skuldara og það tekur ekki mörg ár þanagað til allir skuldarar missa sitt í kjaft bankana er það það sem þetta fólk vill,skrítið hvaðan því kemur þessi viska!!Það er áróðurin með ESB sem hefur verið haldið að þvi öllu af Foringjanum og þar vex alls svo grænt og vænt!!!þetta er KRÍMINALT að mínu viti!!!!!/Halli gamli

Tillaga um afnám verðtryggingar felld

Athugasemdir

[Ingibjörg Guðrún Magnúsdóttir, 19.10.2012 kl. 18:05]

Já og hver er þessi Fríður Birna stjórnarmaður í VR sem heldur því fram að þeir sem spara og eiga fyrir úborgun séu þeir sem sleppa, flestir þeir sem spöruðu til að eiga fyrir úborgun sinni á sínum tíma eiga ekkert í dag nema yfirveðsettar eignir og það er allur ávinningurinn fyrir þá sem áttu fyrir úborgun sinni...

Að það skuli ekki hafa verið meiri stuðningur með því að afnema verðtrygginguna er hálf óhugnarlegt satt að segja...

[Haraldur Haraldsson, 19.10.2012 kl. 18:08]

Sammála þesssu vinnkona!!!!/Kveðja

[Sindri Karl Sigurðsson, 19.10.2012 kl. 18:24]

Að auki þá er verðtrygging ekkert annað en að hvati undir verðbólgu í hagkerfinu. Tala nú ekki um eins og nú í seinni tíð þegar rafkrónur eru gefnar út án innistæðu. Áður þurfti að eiga fyrir seðlaprentuninni en nú er þetta allt uppi í skýi.

[Guðmundur Ásgeirsson, 19.10.2012 kl. 22:28]

Þeim sem er alvara með að lækka verðbólgu vita að fyrsta skrefið til þess er að afnema verðtryggingu. Svo þegar það er búið þá er auðvitað bara næsta vers að afnema sjálfa vextina. Sérstaklega af útgáfu peninga, eins og komið hefur fram þingsályktunartillaga um frá Lilju Mósesdóttur.

[Sindri Karl Sigurðsson, 21.10.2012 kl. 02:59]

Ekki veit ég alveg hvernig þú færð það út Guðmundur að næsta skref sé að afnema vexti á fjárfestingu/fjármagn. Hver væri þá hvatinn til að lána peninga? Góðgerðarstarfsemi??

Eitt er að borga eðlilega vexti á láni en annað að borga þá í öðru veldi eins og raunin er með verðtrygginguna.