Milljónir búa við rafmagnsleysi /Þetta er bara kaos þarna og erfitt mjög!!

Milljónir búa við rafmagnsleysi Erlent | mbl.is | 31.10.2012 | 5:44 Að minnsta kosti 40 manns eru látnir af völdum fárviðrisins Sandy í norðausturhluta Bandaríkjanna og Kanada.

Minnst átta milljónir manna búa við rafmagnsleysi og almenningssamgöngur liggja niðri. Ekki er búist við að líf færist í eðlilegt horf fyrr en eftir marga daga.

Að sögn Michaels Bloomberg borgarstjóra í New York geta liðið nokkrir dagar þangað til tekst að koma rafmagni á í borginni allri.

Vitað um 18 dauðsföll af völdum hamfaraveðursins í borginni en áður en Sandy gekk á land í Bandaríkjunum fórust 70 af hans völdum á Karíbahafi.

Almenningssamgöngur í New York liggja niðri og óvíst er hvenær tekst að koma þeim aftur í samt lag, að sögn Bloomberg borgarstjóra.

Áður en hægt er að hleypa neðanjarðarlestum af stað þarf að dæla sjó úr jarðgöngum og þvo seltu úr rafkerfi þeirra

. Þá verður tæpast hægt að taka PATH-lestirnar milli New York og New Jersey í notkun fyrr en eftir sjö til 10 daga, að sögn Chris Christie ríkisstjóra í New Jersey.

Meira en 18.000 flugferðum hefur verið aflýst á New York svæðinu en reiknað er með að Kennedyflugvöllur verði opnaður í dag klukkan 11 að íslenskum tíma, en með takmarkaðri umferð þó. Þá er reiknað með að kauphöllin við Wall Street opni í dag, en hún var lokuð í gær og fyrradag.

Er það í fyrsta sinn frá árinu 1888 sem hún er lokuð tvo daga í röð.

Gríðarleg snjókoma var af völdum Sandy í Appalachian fjallakeðjunni síðdegis í gær. Ofsaveðrið Sandy blés kosningabaráttu forsetaframbjóðendanna í Bandaríkjunum út af sporinu, nú þegar aðeins vika er til kosninga.

Barack Obama, forseti Bandaríkjanna, frestaði kosningafundum sem hann ætlað að halda í dag þar sem hann ákvað að halda kyrru fyrir í Washington og einbeita sér að uppbyggingunni eftir fellibylinn Sandy. Repúblikaninn Mitt Romney hélt kosningaviðburð í Ohio í gær en fléttaði áfallinu sem óveðrið hefur valdið og eftirmálum þess inn í.

Ohio er mjög mikilvægt ríki í kosningabaráttunni og báðir frambjóðendurnir hafa einbeitt sér að því að vinna kjósendur þar á sitt band. Romney ætlar að halda hefðbundinni kosningabaráttu samkvæmt dagskrá áfram í dag.

Enn sýna kannanir að hnífjafnt er með Obama og Romney.

Nú er ljóst að milljónir manna eru án rafmagns vegna óveðursins og ólíklegt að allt verði komið í samt horf fyrir kosningadaginn 6. nóvember.

Mikið verk er nú fyrir höndum að hreinsa upp rusl af götum borga og bæja, lagfæra vegi og koma almenningssamgöngum af stað á ný.

Kosningaþátttaka gæti orðið minni vegna þessa. Þá hefur fjölmiðlaumfjöllun um kosningarnar vikið fyrir fréttum af fellibylnum og afleiðingum hans síðustu tvo daga.

Því velta margir því fyrir sér hvor frambjóðandanna muni tapa á því - allt fer það eftir því hversu fljótt ríki sem líkleg eru til að styðja annan hvort frambjóðandann jafna sig á fellibylnum. Forsetinn Obama mun í dag fara um hamfarasvæðin í New Jersey og New York.///////////Þetta er bara smásýni af þessum mikla fellibyl og við lesum og skoðum þetta og erum með samúð til þeira blessaðra sem þessu verða fyrir ,þár af skyldmenni mans sem þarna eru á svæðinu,þetta eru óguleg átök og fyrirsjánalegt mikið tjón og manslát!! við bara vonum að þessu fari að linna,//Halli gamli

Milljónir búa við rafmagnsleysi