Snjóflóð í Súðavíkurhlíð//Veður fer ekki skánandi nema síður sé!!!!

Snjóflóð í Súðavíkurhlíð Innlent | mbl.is | 2.11.2012 | 14:27 Vegurinn á Kjalarnesi er lokaður vegna veðurs, samkvæmt upplýsingum frá Vegagerðinni.

Súðavíkurhlíð er lokuð vegna snjóflóðs. Vegurinn milli Dalvíkur og Ólafsfjarðar er lokaður vegna snjóflóðahættu.

Vegurinn á Sólheimasandi er lokaður vegna óveðurs. Samkvæmt upplýsingum frá lögreglunni á Ísafirði lenti bifreið í snjóflóðinu en ökumanninum tókst að komast út úr flóðinu af eigin rammleik og amar ekkert að honum.

Ekki liggja fyrir frekari upplýsingar um snjóflóðið hjá lögreglunni á Ísafirði. Óveður er á Grindavíkurvegi, Vesturlandsvegi, Kjalarnesi, Mosfellsheiði, Gjábakkavegi, Hellisheiði, í Þrengslum og við Akrafjall.

Það eru hálkublettir á Gjábakkavegi og í sunnanverðum Hvalfirði. Á Vesturlandi er ófært á Bröttubrekku og Holtavörðuheiði. Hálkublettir og skafrenningur er í Borgarfirði, hálka og stórhríð í Svínadal og hálka og skafrenningur í Dölunum.

 Á Laxárdalsheiði eru hálkublettir og skafrenningur. Á Vatnaleið er hálka og éljagangur og hálka og óveður á Fróðárheiði. Óveður er einnig á sunnanverðu Snæfellsnesi.

Á Vestfjörðum er ófært á Klettshálsi, Gemlufallsheiði, Dynjandisheiði, Hrafnseyrarheiði, Steingrímsfjarðarheiði og Þröskuldum. Hálka og skafrenningur er á Kleifaheiði og hálkublettir og éljagangur á Hálfdán og Mikladal. Snjóþekja og skafrenningur er í Dýrafirði, en snjóþekja og stórhríð í Önundarfirði og Súgandafirði.

Í Ísafjarðardjúpi er snjóþekja og skafrenningur en þæfingsfærð á Vatnsfjarðarhálsi. Snjóþekja og stórhríð er í Reykhólasveit og vestur í Kollafjörð. Snjóþekja og stórhríð er í Steingrímsfirði og Ennishálsi. Þæfingsfærð er frá Drangsnesi í Bjarnarfjörð en ófært norðan Bjarnarfjarðar.

Á Norðvesturlandi er þungfært eða hálka og stórhríð í Húnavatnssýslum en ófært á Skagastrandavegi og í Langadal. Í Skagafirði en ófærð og stórhríð á flestum leiðum.

Ófært er á Vatnsskarði og Þverárfjalli. Norðaustanlands er víðast hvar ófærð og stórhríð og beðið með mokstur vegna veðurs. Þó er snjóþekja í innanverðum Eyjafirði og þæfingsfærð í Vopnafirði. Á Austurlandi er ófært á fjallvegum og víða þungfært, þæfingsfærð eða snjóþekja í byggð.

Snjóþekja og skafrenningur er milli Reyðarfjarðar og Eskifjarðar. Óveður er í Berufirði, Hamarsfirði, Hvalnesi og í Lóni og mjög slæmt ferðaveður milli Djúpavogs og Hafnar.

Á Suðaustur- og Suðurlandi er óveður undir Eyjafjöllum og hefur veginum verið lokað tímabundið vegna þess. Ófært er á Skeiðarársandi vegna sandfoks.

Einnig er óveður við Lómagnúp og í Öræfum. Hálkublettir eru frá Kvískerjum að Vík. Tengdar fréttir — Veðurofsi í nóvember/////////////Þetta er ekki glæsilegt veðurfar!!það er versanandi ef eitthvað er,og er með því mesta svo víða sem maður man!!en þetta mun ekki lægja fyrr en á morgun eða seint annað kvöld!!það er víða orðið mikið tjón eins og sagt er þarna!!vonandi engin slys og það fyrir vonandi verður ekki,í öllum bænum  eins og sagt er verið ekki á ferð,nema í nauð,og það eiga allir að hlusta á féttir!!það gæti farið rafmagn þegar hefur það farið sumstaðar,en farið varlega öll blessuð////Halli gamli

Snjóflóð í Súðavíkurhlíð