Ofanhríð og kóf fram eftir degi//svo blotar á mánudag eða þriðjudag???

Ofanhríð og kóf fram eftir degi Innlent | mbl.is | 3.11.2012 | 9:43 Ekki er að sjá annað en að ofanhríð, kóf og takmarkað skyggni verði norðan- og austanlands meira og minna í allan dag, samkvæmt upplýsingum frá Vegagerðinni.

Veðurhæð fer þó hægt og bítandi lækkandi yfir landinu öllu. Á norðanverðum Vestfjörðum mun rofa til með morgninum.

Á láglendi austanlands hefur gert vægan blota, en á fjallvegum ofan 150-200 metra hæðar verður áfram snjókoma og skafrenningur. Veðrið fer ekki að lagast af ráði fyrr en undir kvöld, en síðdegis vestan til á norðurlandi

. Dregið hefur mikið úr vindhviðum sunnan- og suðvestanlands í nótt. Þó verða enn vindhviður sem fara yfir 35 m/s fram yfir hádegi, svo sem undir Akrafjalla og austur við Lómagnúp og ef til vill víðar, á meðan enn er hvasst í lofti.

Víða ófært Óveður er við Akrafjall og ófært er á Holtavörðuheiði. Hálkublettir eru undir Hafnarfjalli og í Borgarfirði er hálka.

Í Bröttubrekkur er skafrenningur. Á Vestfjörðum er ófært á Steingrímsfjarðarheiði, Þröskuldum og Klettshálsi en þungfært á Ennishálsi.

Hálkublettir eru á Gemlufallsheiði en þæfingsfærð og skafrenningur er í Ísafjarðardjúpi Á Norðurlandi eru vegir ýmist ófærir eða þungfærir. Vegurinn milli Dalvíkur og Ólafsfjarðar er lokaður vegna snjóflóðahættu.

Áfram er svo ófært víðast hvar á Austurlandi. Oddsskarð er þó fært en þar er snjóþekja og snjókoma, Frá Fáskrúðsfirði og suður í Djúpavog eru hálkublettir en annars er greiðfært um suðaustanvert landið þó er óveður við Lómagnúp og sandrok á Skeiðarársandi.

//////////Þetta mun ganga niður í dag og morgunn og svo hlána eftir helgi,það er gott fyrir  okkur öll að fá slaka á veðrið leiðnlegt og hættulegt til lengdar!!en við erum búin að fá sennilega þá særðstu lægð lengi!!! og við erum heppin að hún skuli vera farin og tjónið ekki meira en orðið er en mikið meira en nóg samt!!Blessað fólkið sem fyrir því varð að slasast og verða fyrir skemmdum á Búum sinum og fénaði og öðru verðmæti,í bæ og sveit!! en við erum heppin að byggja vel yfirleitt og okkur ber að gera að á framhaldinu,það ger þvi miður ekki allar þjóðir ,með allt aðra staðla/Halli gamli

Ofanhríð og kóf fram eftir degi