Víkur- og Hólahverfi lækkað mest í verði/ég mótmæli þessu það er Breiðholtið,sem sett er niður alla daga!!!

Víkur- og Hólahverfi lækkað mest í verði Viðskipti | mbl.is | 16.11.2012 | 14:13 Fermetraverð í fjölbýli hefur lækkað um 2 til 16% á höfuðborgarsvæðinu síðan 2008, en mest lækkun er í Víkur- og Hólahverfi.

Miðbærinn er ekki lengur dýrastur, heldur er Haga- og Melahverfið dýrast, auk þess sem verð í Sjálandi í Garðabæ og á Seltjarnarnesi er einnig hærra en í miðbænum.

Þetta kemur fram í tölum sem hagfræðideild Landsbankans birtir í dag.

Í hagsjá bankans segir að um miðjan síðasta áratug hafi allt verið á fleygiferð á fasteignamarkaði á Íslandi.

Í kjölfar kosninganna 2003, með loforðum um 90% húsnæðislán, innkomu bankanna á húsnæðislánamarkaðinn og mikilli samkeppni af hálfu Íbúðalánasjóðs, jókst velta á markaðnum mikið, verð hækkaði og byggingastarfsemi jókst mikið.

Á þessum tíma var líka mikil umræða um þéttingu byggðar og uppbyggingu miðborgarinnar. Einnig varð veruleg uppbygging í úthverfum höfuðborgarsvæðisins. Verðmunur á milli dýrustu og ódýrustu hverfanna jókst á milli 2005 og 2007.

Árið 2008 tók sá munur að minnka, m.a. vegna fyrirsjáanlegs samdráttar í efnahagslífinu og mikils umframframboðs á húsnæði. Árið 2008 var verð hæst í miðborginni, en þegar komið er fram til ársins 2011 hefur miðborginni verið velt úr sessi sem dýrasta hverfinu. Árið 2011 var verðið hæst í Mela- og Hagahverfi, í Sjálandi í Garðabæ og á Seltjarnarnesi.

Verðið var lægst í Breiðholtshverfunum og Vöngum og Álfaskeiði í Hafnarfirði. Að Sjálandi undanskildu er greinilegt að hæsta fermetraverðið er í gömlum og grónum hverfum í Reykjavík, hið sama má segja um Seltjarnarnes. Hagfræðideildin segir að þegar litið sé á breytingu á verði milli áranna 2008 og 2011 sjáist að verð hefur lækkað í öllum hverfum.

Verðlækkunin er á bilinu 2-16%, en meðalverðlækkunin í öllum hverfunum er 10%. Verðið var hæst í miðborginni á árinu 2008, en verðið þar gaf töluvert eftir og lækkaði um 13% fram til ársloka 2011.

Verðlækkunin var minnst á Seltjarnarnesi, þar lækkaði verð einungis um 2%, þar á eftir komu Teigar og Tún og Grandar með 3% lækkun. Mesta verðlækkunin var í Víkurhverfi, en þar á eftir komu Hólar, Hraunbær og Vogar./////////////Svona er endalaust hægt ,að leika sér að tölum en við, sem eigum heima hér í Breiðholti förum ekki frá þvi að þessar tölur segja ekki allt,við vitum að leynt og ljóst er verið að tala þessi hverfi hér í Breiðholti niður og það hefur áhrif og það mikil,við fylgjumst vel með þessu eldri borgara sem langar til að skipta en getum ekki selt fyrir mynni íbúðir annasrsatðar,svo eigum við auðvitað að borga fasteygnaskatt eftir þessi tölum en það i liggur svidlið það á ekki að vera fyrst þetta er svona sem staðreynd!!!/Halli gamli

Víkur- og Hólahverfi lækkað mest í verði