Strandaði í Breiðafirð///Gott að allt fór vel,komið á flot og á heimleið!!

Strandaði í Breiðafirði Innlent | mbl.is | 20.11.2012 | 8:25 Fjölveiðiskipið Þórsnes II tók niðri á grynningu í Norðurflóa innarlega í Breiðafirði um sjö sjómílur suðvestur af Reykhólum upp úr kl. sex í morgun.

Skipverjar höfðu samband við Landhelgisgæsluna og upplýstu um aðstæður. Veður var þokkalegt á staðnum og enginn leki virtist vera kominn að skipinu.

Landhelgisgæslan kallaði út og setti harðbotna björgunarbáta Slysavarnafélagsins Landsbjargar í Stykkishólmi og Grundarfirði ásamt björgunarskipi á Rifi og björgunarsveit á Reykhólum í viðbragðsstöðu.

Áhöfn þyrlu Landhelgisgæslunnar var kölluð út og sett í viðbragðsstöðu á flugvelli í Reykjavík. Grettir, skip Þörungavinnslunnar á Reykhólum, bjó sig einnig til að fara að Þórsnesi II og vera til taks þegar félli meira að og von um að skipið losnaði af grynningunum.

Um kl. 07:44 tilkynnti skipstjóri Þórsness II að skipið hefði losnað af sjálfsdáðum af strandstað þegar flæddi að en háflóð verður um kl. 11:00 í dag.

Skrokkur og skrúfubúnaður skipsins virtist í lagi og heldur skipið undir eigin vélarafli til Stykkishólms til frekari skoðunar. Þórsnes II er 233 brúttótonn að stærð, 32 metra langt og í áhöfn eru níu manns.////////////Það er ekkert dásamlegra þegar svona skeður að allt fari vel!!þó svo strand sé ekki það sem við viljum,eta óhöpp ske að það gott að ekki fór ver,við gleðjumst með þeim blessuðum að sleppa svona vel,sjórin er svona hættur víða,og við þetta búa þessir sjómenn,við fögnum!!/Halli gamli

Strandaði í Breiðafirði