Unnið verður að rafvæðingu samgangna /Þetta gott mál ,en má ekki fara í öfga!!!

Unnið verður að rafvæðingu samgangna Innlent | mbl.is | 20.11.2012 | 16:54 Borgarstjórn samþykkti samhljóða á fundi sínum í dag að láta vinna aðgerðaáætlun á vegum Reykjavíkurborgar til að auka hlut rafvæddra samgangna í nánustu framtíð og til lengri tíma. Stefnt er að því að aðgerðaráætlun liggi fyrir um miðjan mars 2013.

Í tilkynningu frá borginni segir, að í greinargerð sex manna starfshóps sem fylgi tillögunni sé nefnt að hraði breytinga í samfélaginu varðandi orkuskipti í samgöngum ráðist af mörgum þáttum sem séu óráðnir í dag en muni væntanlega skýrast á allra næstu árum.

Þar séu m.a. þættir eins og úrval og verð á bílum, skattaívilnanir ríkisins og fleira. Tekið sé fram að orkuöryggi með nýtingu innlendrar orku og minni umhverfismengun tengd rafbílanotkun séu mikilvægir þættir sem hafi ekki verið metnir til fjár.

Þá sé nefnt að notkun rafvæddra reiðhjóla og léttari bifhjóla hafi farið ört vaxandi í borginni. Í greinargerðinni komi fram að Reykjavíkurborg geti stuðlað að nýtingu rafmagns í samgöngum með ýmsu móti.

Meðal þess sem starfshópurinn nefni sé að Reykjavíkurborg geti gengið á undan með góðu fordæmi með kaupum á rafknúnum bílum fyrir starfsemi borgarinnar og fyrirtæki hennar, að hugað verði að rafvæðingu almenningsvagna, að hleðslustaðir verði útbúnir við vinnustaði borgarinnar og í bílastæðahúsum sem hún reki og að hraðhleðslupóstar verði settir upp á lykilstöðum í borginni.

„Reykjavíkurborg hefur nú þegar tekið ákveðin skref í þá veru að metanvæða bílaflota borgarinnar.

Á undanförnum misserum hafa 70 metanknúnir bílar leyst úr sér gengna bensínbíla af hólmi auk þess sem níu sorphirðubílar borgarinnar eru knúnir metani.

Borgin hefur einnig stigið fyrstu skrefin í rafbílavæðingu.

Hún rekur nú tvo rafgeymabíla og einn tengitvinnbíl og er von á þremur rafbílum til viðbótar á næstunni,“ segir í tilkynningu frá Reykjavíkurborg./////////////Þetta er bara gott, að taka í gegn nógu snemma!!!! og það tekur þann tíma sem þarf,en stefnan er rétt og það verður vonandi hægt, að byrja á næsta ári að gera þetta að einhverri byrjun ,og koma þessu í rétt horf,og það einnig með strætisvagna og almennisvagna,svo íta yndir að almenningur geti fengið sér svona bifreyðar!! þegar þeir þutrfa að endurnýja,og bílar eru komnir með meiri langdrægni!!en aftur a´móti með rafmagnslestar líst mér ekki á það er vandamal og tekur langan tíma en má svo skoða annað slagið kosnaður er svo mikill!!En þessi borgarstjórn mun ekki vera þá vonandi skipir þar um eftir 1.4 ár eða svo!!!/Halli gamli

Unnið verður að rafvæðingu samgangna