Allt að 50 m/s í Öræfasveit//Það er eins gott að fara varlega!!!!!

Allt að 50 m/s í Öræfasveit Innlent | mbl.is | 21.11.2012 | 9:09 Mjög hvasst er víða á Suðausturlandi og samkvæmt upplýsingum frá Vegagerðinni fer vindhraðinn í allt að 50 metra á sekúndu í hviðum í Öræfasveit.

Gert er ráð fyrir að það lægi um miðjan dag en þangað til er ekkert ferðaveður á þessum slóðum. Við Lómagnúp verða vindhviður 30-40 m/s þar til síðdegis.

Gera má ráð fyrir að sandfok verði á Skeiðarársandi meira og minna í allan dag eða þar til fer að rigna á þeim slóðum. Hálkublettir eru á Mýrdalssandi en hálka á Reynisfjalli og suður úr. Austanlands kemur úrkomusvæði úr austri.

Fram eftir morgni verður snjókoma og skafrenningur suður í Breiðdal og lítið skyggni en hlánar þegar kemur fram á daginn með rigningu á láglendi austan- og norðaustanlands. Hálkublettir eru á höfuðborgarsvæðinu, á Hellisheiði og í Þrengslum en hálkublettir eða hálka er víða á Suðurlandi.

Á höfuðborgarsvæðinu fór að snjóa á níunda tímanum. Hálka og skafrenningur er frá Hellu og að Markarfljóti. Hálkublettir eru á Suðurstrandarvegi.

Óveður er undir Hafnarfjalli og við Hafursfell. Hálkublettir eru á Bröttubrekku. Hálka og skafrenningur er á Holtavörðuheiði. Skafrenningur er í Svínadal.

Á Vestfjörðum er hálka og stórhríð á Steingrímsfjarðarheiði og hálka og óveður á Þröskuldum. Hálkublettir og óveður er á Hjallahálsi, snjóþekja og stórhríð á Klettshálsi.

Þæfingsfærð er á Gemlufallsheiði og í Súgandafirði og verið að hreinsa. Hálka eða snjóþekja og skafrenningur er á flestum öðrum leiðum.

Á Norðurlandi er þæfingsfærð og skafrenningur á Þverárfjalli, í Héðinsfirði, Víkurskarði og á Fljótsheiði. Þæfingsfærð og skafrenningur er frá Ketilási að Siglufirði og snjóþekja og stórhríð frá Hofsósi að Ketilási. Hálka og skafrenningur er í Húnavatnssýslum og á Vatnsskarði.

Snjóþekja eða hálka og snjókoma og éljagangur er á flestum öðrum leiðum og verið að hreinsa. Á Norðaustur- og Austurlandi er þæfingsfærð á flestum leiðum í kringum Egilsstaði og verið að hreinsa, einnig er þæfingsfærð á Möðrudalsöræfum, Fjarðarheiði og á Oddsskarði.

Snjóþekja og snjókoma er á flestum leiðum frá Reyðarfirði með ströndinni að Höfn en þaðan og að Kvískerjum eru hálkublettir og éljagangur.////////////Það ber að taka þessi mál alvarlega mjög,svo ekki verði slys af að anna út í þetta veður meðan það gengur yfir!!og þetta segir okkur sem ekki þurfum ekki út höldum okkur heima og hinir fari varlega mjög,Kári lætur ekki að sér hæða!!svo virðistv að vetur konungur sé að kom til að vera bara nokkuð vondur á næstunni og við verðum bara að taka því!!,eigum ekki annara kosta,og bara númer eitt fara varlega!!!/Halli gamli 

Allt að 50 m/s í Öræfasveit