Lokuðu Krýsuvíkurvegi vegna hálku//það er eins gott að gera!!!

Lokuðu Krýsuvíkurvegi vegna hálku Innlent | mbl.is | 24.11.2012 | 18:26 Flughálka er á Suðurstrandarvegi og er búið að loka Krýsuvíkurvegi vegna flughálku

Í tilkynningu frá Vegagerðinni segir að ennþá séu miklar líkur á hálkumyndun um allt land

. Í dag snýst norðan og vestanlands í norðlæga átt, með snjómuggu á norðanverðum Vestfjörðum í dag, en í kvöld á norðvesturlandi austur fyrir Eyjafjörð.

Færð á þessum slóðum getur því verið varasöm þar sem snjóar ofan í ísilagða vegi. Hálkublettir eru á Hellisheiði.

Hálka eða hálkublettir eru mjög víða á Suðurlandi og einhver éljagangur í uppsveitum.

Varað er við flughálku á Suðurstrandarvegi og búið er að loka Krýsuvíkurvegi vegna flughálku. Um vestanvert landið er hálka á Bröttubrekku, Fróðárheiði og sunnanverðu Snæfellsnesi.

Snjóþekja og éljagangur er á Holtavörðuheiði og Laxárdalsheiði. Hálka eða hálkublettir eru mjög víða á láglendi.

Á Vestfjörðum er snjóþekja og éljagangur á Steingrímsfjarðarheiði, snjóþekja er á Þröskuldum, Hálfdáni, Kleifarheiði, Hjallahálsi og Klettshálsi.

Annars er víða hálka eða hálkublettir. Hálka er á Gemlufallsheiði.

Á Norðurlandi er víðast hvar hálka eða hálkublettir á vegum.

Éljagangur er á fjallvegum. Útblönduhlíð er flughált. Á Austurlandi er hálka eða hálkublettir á flestum leiðum.

Hálka á Skeiðarársandi og snjóþekja vestan við Kirkjubæjarklaustur///////////Það er okkur eins gott að fara varlega,þegar svona flughálka er fyrir akandi og gangandi!!þetta færi er hættulegt mjög og ekki farandi útí nema þræl dekkjaður og jafnvel keðjur bestar við þessar aðstæður!!!vonandi að allt fari vel!!!/Halli gamli

Lokuðu Krýsuvíkurvegi vegna hálku