Bradford skellti Arsenal í vítakeppni/nú er fokið í flest skjól,hjá Wenger!!!

Bradford skellti Arsenal í vítakeppni Íþróttir | mbl.is | 11.12.2012 | 22:26 Bradford, sem leikur í ensku D-deildinni í knattspyrnu, gerði sér lítið fyrir og sló Arsenal út í átta liða úrslitum deildabikarsins í kvöld, með því að sigra í vítaspyrnukeppni eftir að staðan var jöfn, 1:1, að loknum venjulegum leiktíma og framlengingu.

Bradford náði forystunni strax á 16. mínútu leiksins þegar Garry Thompson skoraði með fallegu skoti eftir aukaspyrnu, 1:0. Þannig var staðan allt þar til þrjár mínútur voru til leiksloka en þá náði Thomas Vermaelen að jafna með skalla eftir fyrirgjöf frá Santi Cazorla.

Þar með var framlengt en þrátt fyrir þunga pressu Arsenal náði liðið ekki að knýja fram sigur og þar með fór leikurinn í vítaspyrnukeppni. Bradford sigraði, 3:2, og er komið alla leið í undanúrslit keppninnar. Vítaspyrnukeppnin var dramatísk en Bradford komst í 2:0 og 3:1. Matt Duke í marki Bradford varði fyrstu spyrnuna frá Santi Cazorla og síðan skaut Marouane Chamakh í stöng.

Taugar leikmanna D-deildarliðsins voru hinsvegar þandar til hins ítrasta því Wojciech Szezesny í marki Arsenal hélt úrvalsdeildarliðinu inni í leiknum með því að verja þriðju og fimmtu spyrnu Bradford.

Thomas Vermaelen fyrirliði Arsenal gat síðan tryggt sínum mönnum bráðabana en hann skaut í stöng í síðustu spyrnu liðsins og þar með braust út gífurlegur fögnuður meðal leikmanna Bradford og stuðningsmanna þeirra á Valley Parade. Bradford er í fjórða sæti D-deildarinnar, 65 sætum neðar en Arsenal í deildatöflunni í heild.

Arsene Wenger stillti upp sterku liði hjá Arsenal, ekki hálfgerðu varaliði eins og oft áður í þessari keppni, en það dugði ekki til. Þar með eru Bradford og Aston Villa komin í undanúrslit en tveir leikir eru eftir í átta liða úrslitunum.

Swansea tekur á móti Middlesbrough annað kvöld en viðureign Leeds og Chelsea fer ekki fram fyrr en 19. desember þar sem Chelsea er nú í Japan vegna heimsbikars félagsliða.////////////Nú fer að hittna undir mínum manni Wenger,að mínu mati gengur bara ekkert upp þarna,og við lútum í gras leik eftir leik,þetta er ekki gott,og verður að breytast!!!!/Halli gamli

Bradford skellti Arsenal í vítakeppni